Kungani senza umlando womndeni

3 Nefi 25:5–6

UJesu Kristu, ecaphuna uMalaki kumaNefi

Bhekani, ngiyothumela kini u-Eliya umphrofethi lungakafiki usuku olukhulu nolwesabekayo lweNkosi; Futhi uyophendulela izinhliziyo zoyise kubantwana, kanye nezinhliziyo zabantwana, koyise, hleze ngize futhi ngishaye umhlaba ngesiqalekiso.

UMsindisi ovukile uphinda isithembiso sikaMalaki ngo-Eliya kubantu baseMelika, ekhombisa ukubaluleka kwaso.

Bheka, ngizokwambulela ubuPhristi, ngesandla sika-Eliya umphrofethi, ngaphambi kokuza kosuku olukhulu nolwesabekayo lweNkosi. Futhi uzotshala ezinhliziyweni zabantwana izethembiso ezenziwa kobaba, futhi izinhliziyo zabantwana ziyophendukela koyise. Uma bekungenjalo, umhlaba wonke ungachitheka ube yize impela ekuzeni kwakhe.

Amazwi kaMoroni kaMalaki: u-Eliya wayezobuyisela igunya lobuphristi futhi atshale izithembiso ezenziwa koyise ezinhliziyweni zabantwana.

JS—uMlando 1:38–39

UJoseph Smith, elandisa amazwi kaMoroni

Futhi phezu kwalokho, waphinda amazwi evesi lesihlanu kanje: Bheka, ngizokwambula kini ubuPhristi, ngesandlasika-Eliya umphrofethi, ngaphambi kokuza kosuku olukhulu nolwesabekayo lweNkosi. Futhi waphinda amazwi evesi elilandelayo ngokwehlukile: Futhi uyotshala ezinhliziyweni zabantwana izethembiso ezenziwa koyise, nezinhliziyo zabantwana ziyophendukela koyise. Uma kwakungenjalo, umhlaba wonke wawuyochithakala uphele nya ngesikhathi sokuza kwakhe.

Ukulandisa kukaJoseph Smith ngoMoroni ecaphuna isiprofetho sikaMalaki ngo-Eliya kuye ngo-1823.

Emva kokuba lombono usuvalekile, omunye umbono omkhulu nomuhle kakhulu wakhonjiswa kithi; ngokuba u-Eliya umphrofethi, owathathwa waya ezulwini ngaphandle kokuzwa ukufa, wema phambi kwethu, futhi wathi: Bhekani, isikhathi sesifike ngokugcwele, okwakhulunywa ngaso ngomlomo kaMalaki—efakaza ngokuthi kufanele athunyelwe [u-Eliya], ngaphambi kokuza kosuku olukhulu nolwesabekayo lweNkosi— Uku phendulela izinhliziyo zoyise kubantwana, nabantwana koyise, funa umhlaba wonke ushaywe ngesiqalekiso— Ngakho-ke, izikhiye zaloluhlelo lokwengamela sezibekwa ezandleni zenu; futhi ngalokhu seningazi ukuthi usuku olukhulu nolwesabekayo lweNkosi seluseduze, ngisho emnyango.

U-Eliya uvela eThempelini laseKirtland ngo-1836 futhi unika uJoseph Smith no-Oliver Cowdery izikhiye zalo msebenzi.

IMfundiso neziVumelwano 98:16

INkosi, ngoJoseph Smith

Ngakho-ke, lahlani impi futhi nimemezele ukuthula, futhi nifune ngokukhuthala ukuphendula izinhliziyo zabantwana koyise, nezinhliziyo zoyise kubantwana;

INkosi iyala abaNgcwele ukuba basebenze ngokukhuthala ekuphenduleleni izinhliziyo zabantwana nezoyise komunye nomunye.

IMfundiso neziVumelwano 138:47–48

UJoseph F. Smith, echaza umbono wakhe wabafileyo

UmPhrofethi u-Eliya wayezotshala kuzo izinhliziyo zabantwana izethembiso ezenziwa koyise, Okwandulela umsebenzi omkhulu okufanele wenziwe kuwo amathempeli eNkosi ngo hlelo lokwengamela lokugcwaliseka kwezikhathi, ukuze kuhlengwe abafileyo, futhi noku boshwa kwabantwana nabazali babo, funa umhlaba wonke ushaywe ngesiqalekiso futhi uchitheke ube yize ekuzeni kwakhe.

Umsebenzi ka-Eliya wandulela umsebenzi wethempeli wabafileyo nokuboshwa kwabantwana kubazali.

Manje, mayelana nesimo somphefumulo phakathi kokufa kanye nokuvuka—Bheka, kwambuliwe kimi ngengelosi, ukuthi imiphefumulo yabo bonke abantu, masinyane ngesikhathi nje uma isuka kulomzimba ofayo, yebo, imiphefumulo yabo bonke abantu, noma ngabe ibimihle noma ibimibi, iyathathwa iyiswe ekhaya kulowo Nkulunkulu owayinika impilo. Futhi ngaleso sikhathi kuyokwenzeka, ukuthi imiphefumulo yalabo abalungile yemukelwa esimweni senjabulo, esibizwa ngokuthi yiparadesi, isimo sokuphumula, isimo sokuthula, lapho iyophumula kuzo zonke izinkathazo zayo kanye nakho konke ukuhlupheka, kanye nosizi.

U-Alma ufundisa ukuthi imimoya iyaqhubeka iphila emva kokufa, futhi abalungileyo bangena esimweni sokuphumula esibizwa ngokuthi iparadesi.

IMfundiso neziVumelwano 137:7–9

INkosi, embonweni owanikwa uJoseph Smith

Lasho kanje izwi leNkosi kimi, lithi: Bonke abafe ngaphandle kolwazi lwalelivangeli, abebe zolemukela ukuba babevunyelwe ukuphila, bayokuba yizindlalifa zo mbuso wesilestiyali kaNkulunkulu; Futhi bonke abayokufa kusuka manje ngaphandle kokulazi, abebe zolemukela ngezinhliziyo zabo zonke, bayoba yizindlalifa zalowo mbuso. Ngokuba mina, iNkosi, ngizo kwahlulela bonke abantu ngokwe misebenzi yabo, ngokwe zifiso zezinhliziyo zabo.

Labo abashona bengalizwanga ivangeli kodwa ababeyolamukela abavalelwa ngaphandle; uNkulunkulu wahlulela ngezifiso zenhliziyo.

IMfundiso neziVumelwano 138:11

UJoseph F. Smith, echaza umbono wakhe wabafileyo

Ngisazindla ngalezi zinto ezi bhaliwe, amehlo okuqonda kwami avuleka, futhi noMoya weNkosi waba phezu kwami, futhi ngabona izixuku zabafileyo, abancane nabakhulu.

Umbono kaMongameli uJoseph F. Smith wango-1918 wezwe lemimoya uqala ngesikhathi ezindla ngemibhalo engcwele.

IMfundiso neziVumelwano 138:30

UJoseph F. Smith, echaza umbono wakhe wabafileyo

Kodwa bheka, phakathi kwabalungileyo, wamisa amabutho akhe futhi wabeka izithunywa, ezembathiswe ngamandla nangegunya, futhi wabathuma ukuba bahambise ukukhanya kwevangeli bakuyise kulabo ababe sebumnyameni, ngisho kuyo yonke imimoya yabantu; futhi lashunyayelwa kanjalo-ke ivangeli kwabafileyo.

UMsindisi wahlela imimoya elungileyo ukuze ihambise ivangeli kubo bonke abafileyo.

IMfundiso neziVumelwano 138:32–34

UJoseph F. Smith, echaza umbono wakhe wabafileyo

Lashunyayelwa kanjalo-ke ivangeli kulabo aba befe besezonweni zabo, bengenalo ulwazi lweqiniso, noma beseziphambekweni, bebenqabile abaphrofethi. Laba bafundiswa ukukholwa kuNkulunkulu, ukuphenduka ezonweni, ukubhabhadiswa ngokumelwa ukuze ku thethelelwe izono, isipho sikaMoya oNgcwele ngokubekwa izandla ekhanda, Futhi nayo yonke eminye imigomo yevangeli okwakubalulekile ukuba bayazi ukuze balungele ukuba bahlulelwe ngokwabantu enyameni, kodwa baphile ngokukaNkulunkulu emoyeni.

Imimoya esezweni lemimoya ifundiswa ivangeli eliphelele, kuhlanganise nokubhabhadiswa ngokumelwa.

IMfundiso neziVumelwano 138:53–54

UJoseph F. Smith, echaza umbono wakhe wabafileyo

UmPhrofethi uJoseph Smith, nobaba, uHyrum Smith, uBrigham Young, uJohn Taylor, uWilford Wooddruff, nemiye imimoya ekhethiweyo eyayi gcinelwe ukuba ize ekugcwalisekeni kwezikhathi ukuba nesandla ekubekweni kwe zisekelo zomsebenzi omkhulu wezinsuku zokugcina, Okuhlanganisa nokwakhiwa kwamathempeli nokwenziwa kwezimiso kuwo ukuze kuhlengwe abafileyo, nabo futhi babesezweni lemimoya.

Imimoya ekhethiwe yagcinwa ukuze ibeke izisekelo zomsebenzi wezinsuku zokugcina, kuhlanganise namathempeli nezimiso zabafileyo.

IMfundiso neziVumelwano 138:57–59

UJoseph F. Smith, echaza umbono wakhe wabafileyo

Ngabona ukuthi amagosa athembekile alolu hlelo lokwengamela, uma ehamba emhlabeni, ayaqhubeka nemisebenzi yawo yokushunyayelwa kwevangeli lokuphenduka nokuhlengwa, ngomnikelo weNdodana eZelwe Yodwa kaNkulunkulu, phakathi kwalabo abase bumnyameni futhi bengaphansi kobugqili besono ezweni elikhulu lemimoya yabafileyo. Abafileyo abaphendukayo bazo hlengwa, ngokuthobela izimiso zendlu kaNkulunkulu, Futhi emva kokuba sebeyikhokhile inhlawulo yeziphambeko zabo, futhi ba hlanzwa baba msulwa, bayofumana umvuzo ngokwe misebenzi yabo, ngokuba bayizindlalifa zensindiso.

Abathembekile baqhubeka befundisa emva kokufa, futhi abafileyo abaphendukayo bahlengwa ngezimiso zasethempelini.

Futhi ngobuningi be mimoya eyayise tilongweni yavuka, futhi yama kwesobunene sikaNkulunkulu; futhi insali yagcinwa emaketangweni obumnyama kwaze kwaba ukwahlulelwa kosuku olukhulu.

Embonweni ka-Enoki, imimoya esejele iphumela esandleni sokunene sikaNkulunkulu ngokuphathelene nomsebenzi woMsindisi.

IMfundiso neziVumelwano 124:29–30

INkosi, ngoJoseph Smith

Ngokuba ichibi lokubhabhadisa alikho emhlabeni, ukuze bona, abangcwele bami, ba bhabhadiselwe labo asebafa— Ngokuba lesi simiso singesendlu yami, futhi ngeke semukeleke kimi, ngaphandle kwezinsuku zobumpofu benu, lapho ningakwazi ukungakhela indlu.

INkosi imemezela ukuthi ukubhabhadiselwa abafileyo kungokasethempelini Layo.

IMfundiso neziVumelwano 128:5

UJoseph Smith, encwadini ayibhalela abaNgcwele

Ningacabanga ukuthi loluhlelo lwezinto lunemi niningwane eminingi; kodwa manginitshele ukuthi kungukufeza kuphela intando kaNkulunkulu, ngokulandela isimiso futhi nokulungisela lokho iNkosi eyakumisa futhi yakulungisa ngaphambi kokusekelwa komhlaba, ukuze kusindiswe abafileyo abayofa ngaphandle kolwazi lwevangeli.

Insindiso yalabo abashona bengenalo ivangeli yahlelwa ngaphambi kokudalwa komhlaba.

IMfundiso neziVumelwano 128:15

UJoseph Smith, encwadini ayibhalela abaNgcwele

Manje, bafowethu nodadewethu abathandeka kakhulu, mangini qinisekise ukuthi lena yimigomo ephathelene nabafileyo nabaphilayo engeke ithathwe kalula, ngokuphathelene nensindiso yethu. Ngokuba insindiso yabo idingekile futhi ibalulekile ensindisweni yethu, njengoba uPawulu esho ngokuphathelene nobaba—ukuthi bona ngaphandle kwethu ngeke ba pheleliswe—ngeke nathi ngaphandle kwabafileyo bethu senziwe sipheleliswe.

Insindiso yethu nensindiso yokhokho bethu ziboshwe ndawonye; akukho neyodwa ephelela ngaphandle kwenye.

IMfundiso neziVumelwano 132:46

INkosi, ngoJoseph Smith

Futhi ngiqinisile, ngiqinisile, ngithi kuwe, noma yini oyi khethayo emhlabeni iyokhethwa ezulwini; futhi noma yini oyibophayo emhlabeni, egameni lami nangezwi lami, kusho iNkosi, iyoboshwa phakade emazulwini; futhi izono zalowo ozi susayo emhlabeni ziyosuswa phakade emazulwini; futhi izono zalowo ozigcinayo emhlabeni ziyogcinwa ezulwini.

INkosi iqinisekisa ukuthi lokho okuboshwa emhlabeni ngegunya Layo kuboshwa phakade ezulwini.

IMfundiso neziVumelwano 127:6–7

INkosi, encwadini kaJoseph Smith

Ngiqinisile, isho kanje iNkosi kini ngokuphathelene nabafileyo benu: Uma kukhona kini obhabhadiselwa abafileyo benu, makubekhona ozobhala, futhi makabe ngufakazi oyibone ngamehlo imibhabhadiso yenu; makezwe ngezindlebe zakhe, ukuze afakaze ngeqiniso, kusho iNkosi; Ukuze kuyo yonke imibhalo yenu kubhalwe nasezulwini; noma yikuphi eniku bophayo emhlabeni, kuboshwe nasezulwini; noma yikuphi enikukhululayo emhlabeni, kukhululwe nasezulwini;

Ubhapathizo ngokumela kufanele lubonwe ofakazi futhi lubhalwe ukuze lubhalwe nasezulwini.

IMfundiso neziVumelwano 128:8

UJoseph Smith, encwadini ayibhalela abaNgcwele

Manje, ubunjalo balesi simiso bukuwo amandla obuphristi, ngesambulo sikaJesu Kristu, lapho kunikiwe khona ukuthi noma yini eniyi bopha emhlabeni iboshiwe nasezulwini, futhi enikukhulula emhlabeni kuyokhululwa nasezulwini. Noma, ngamanye amazwi, uma sibheka ukuhunyushwa ngenye indlela, enikubhalayo emhlabeni kuyobhalwa nasezulwini, futhi eningakubhali emhlabeni ngeke kubhaliwe nasezulwini; ngokuba abafileyo benu bayokwehlulelwa ngokusezincwadini, ngokwemisebenzi yabo, ukuthi ngabe bona uqobo lwabo bazenzile yini izimiso propria persona (ngokwabo), noma ngokusizwa ngaba bamele, ngokwesimiso uNkulunkulu asilungiselela ukusindiswa kwabo ngaphambi kokumiswa komhlaba, ngokwemibhalo abayigcinile ngokuphathelene nabafileyo babo.

Izimiso ezibhalwe emhlabeni ngegunya lobuphristi zibhalwa nasezulwini, noma zitholwe ngumuntu uqobo noma ngokumelwa.

IMfundiso neziVumelwano 128:9

UJoseph Smith, encwadini ayibhalela abaNgcwele

Kungabukeka kwabanye kuyimfundiso engekho esikweni lena esikhuluma ngayo—amandla abhala noma abopha emhlabeni futhi abophe ezulwini. Nokho, kuzo zonke izikhathi zomhlaba, njalo uma iNkosi inike uhlelo lokwengamela lobuphristi kunoma iyiphi indoda ngesambulo uqobo, noma kunoma yiliphi iqoqo lamadoda, lamandla ayelokhu enikiwe. Ngalesi sizathu, noma yini lawo madoda aye yenza nge gunya, egameni leNkosi, futhi eyenza ngeqiniso nangokuthembeka, futhi egcina umbhalo ofanele nothembekile walokho, wawuba ngumthetho emhlabeni nasezulwini, futhi wawungeke uchithwe yilutho, ngokwezimemezelo zika Jehova omkhulu. Likholekile lelizwi. Ngubani ongalizwa na?

Amandla okubopha emhlabeni nasezulwini anikeziwe kulo lonke uhlelo lokwengamela, futhi amarekhodi athembekile enza umsebenzi ubophe.

Futhi kwenzeka ukuthi ubaba, uLehi, phezu kwalokho wathola kuzo izingcwephe zethusi umlando ngesizukulwane sawoyise; ngalokho-ke wabe esazi-ke ukuthi yena wayengowenzalo kaJosefa; yebo, ngisho lowo Josefa owayeyindodana kaJakobe, owathengiselwa eGibithe, futhi owagcinwa ngesandla seNkosi, ukuze yena akwazi ukugcina uyise, uJakobe, kanye nabo bonke abomuzi wakhe ekushabalalisweni yindlala.

ULihayi uthola uhlu lozalo lwakhe emapulethini ethusi futhi afunde ukuthi wehla kuJosefa waseGibhithe.

Bhekani, madodana ami, ngifisa ukuthi niyigcine imiyalelo kaNkulunkulu; futhi ngifuna ukuthi niwamemezele kubantu lamazwi. Bhekani, ngininikeze amagama abazali bethu bokuqala abaphuma ezweni laseJerusalema; futhi lokhu ngikwenze ukuze kuthi uma nikhumbula amagama enu nibakhumbule; futhi kuthi uma nibakhumbula niyikhumbule nemisebenzi yabo; futhi kuthi uma nikhumbula imisebenzi yabo nazi ukuthi lokho kushiwo ngani, futhi nokuthi kubhalwewani, ukuthi babelungile.

UHelamani waqamba amadodana akhe ngamagama okhokho abalungileyo ukuze ukukhumbula amagama abo kubakhumbuze ngobuhle bokhokho babo.

Manje lesi siphrofetho u-Adamu wasikhuluma, njengoba wayeqhutshwa ngu Moya oNgcwele, futhi umlando wesizukulwane wagcinwa wa bantwana baNkulunkulu. Futhi lena kwaku yincwadi yezizukulwane zika-Adamu, ithi: Ngosuku uNkulunkulu adala ngalo umuntu, ngomfanekiso kaNkulunkulu wamenza;

Kusukela ezinsukwini zika-Adamu kwagcinwa uhlu lozalo lwabantwana bakaNkulunkulu, irekhodi lokuqala lomndeni elabhalwa.

Kodwa imibhalo yobaba, ngisho abaphatriyakhi, ngokuphathelene nelungelo lobuPhristi, iNkosi uNkulunkulu wami yayigcina ezandleni zami; ngakho-ke ulwazi lokuqala kwendalo, futhi nolwa maplanethi, futhi nolwezinkanyezi, njengoba kwaziswa kobaba, ngisalugcinile ngisho kuze kube yimanje, futhi ngizozama ukubhala ezinye zalezi zinto kulombhalo, ukuze kuzuze inzalo yami eyokuza emuva kwami.

U-Abrahama walondoloza amarekhodi oyise futhi wabhalela ukuzuzisa inzalo yakhe.

IMfundiso neziVumelwano 128:18

UJoseph Smith, encwadini ayibhalela abaNgcwele

Bengizonika ukuhunyushwa okuthe ukucaca kulelivesi, kodwa licacile ngokwanele ukuvumelana nenhloso yami njengoba injalo. Kwanele ukwazi, kulesi simo, ukuthi umhlaba uzoshaywa ngesiqalekiso ngaphandle uma kukhona ubudlelwane obuhlanganisayo bohlobo oluthile phakathi kobaba nabantwana, ngokuphathelene nodaba oluthile noma olunye—futhi bhekani yiluphi lolo daba na? Nguku bhabhadiselwa abafileyo. Ngokuba thina ngaphandle kwabo ngeke senziwe sipheleliswe; noma bona ngaphandle kwethu ngeke benziwe bapheleliswe. Phezu kwalokho bona noma thina ngeke sapheleliswa ngaphandle kwalabo abafele evangelini; ngokuba kudingekile ekuqaleni ko hlelo lokwengamela lokuphelela wezikhathi, uhlelo lokwengamela lolo manje oseluqala, ukuthi ukuhlangana konke okufeziwe futhi nokupheleleyo, kanye nokuhlanganiswa ndawonye kwezinhlelo zokwengamela, ngokunjalo nezikhiye, amandla, namaqiniso amahle kakhulu kufanele kwenzeke, futhi kwambulwe kusuka ezinsukwini zika-Adamu ngisho kuze kube sesikhathini samanje. Futhi hhayi lokhu kuphela, kodwa lezo zinto ezingakaze zambulwe kusuka ekusekelweni komhlaba, kodwa ezigcinwe zifihliwe kwabahlakaniphileyo nabanokuqonda, ziyokwambulelwa abantwana abancelayo kulolu, uhlelo lokwengamela lokuphelela kwezikhathi.

Umsebenzi wabafileyo “ubudlelwane obuhlanganisayo” obuhlanganisa izizukulwane zibe munye ngokuphelele.

IMfundiso neziVumelwano 128:22

UJoseph Smith, encwadini ayibhalela abaNgcwele

Bazalwane, singaqhubeki yini kulomgomo omkhulu kangaka na? Qhubekani futhi ningahlehli. Yimani isibindi, bazalwane; futhi niqhubeke, qhubekelani ekunqobeni! Izinhliziyo zenu mazijabule, futhi zijabule kakhulu. Umhlaba mawuqhumuke ngokuhlabelela. Abafileyo mabasho amaculo okudumisa kwaphakade eNkosi u-Imanuweli, owabekwa ngaphambi kokuba khona komhlaba, lokho okuzo sinika amandla okuba siba khulule kulo itilongo labo; ngokuba iziboshwa ziyokhululwa.

Ubizo olujabulisayo lukaJoseph Smith lokuqhubekela phambili ekuhlengeni abafileyo, ngokuba iziboshwa ziyokhululwa.

IMfundiso neziVumelwano 128:24

UJoseph Smith, encwadini ayibhalela abaNgcwele

Bhekani, usuku olukhulu lweNkosi seluseduze; futhi ngubani ongamelana nosuku lokuza kwayo, futhi ngubani oyokuma ngesikhathi ivela na? Ngokuba injengo mlilo ocwengisisayo, futhi njengensipho yomhlanzi; futhi iyohlala njengo mcwengi nomhlanzi wesiliva, futhi iyohlambulula amadodana kaLevi, futhi iwahluze njengegolide nesiliva, ukuze anikele eNkosini umnikelo ngokulunga. Ngakho-ke masinikele eNkosini umnikelo ngokulunga, njengebandla nabantu, futhi njengaBangcwele beziNsuku zokuGcina; futhi masilethe ethempelini lakhe elingcwele, uma seliphelile, incwadi equkethe imibhalo yabafileyo bethu, eyofaneleka ukuba yemukeleke.

AbaNgcwele bayamenywa ukuba balethe ethempelini incwadi efanelekayo equkethe amarekhodi abafileyo babo.