Kutheni sisenza imbali yosapho

3 Nifayi 25:5–6

UYesu Krestu, ecaphula uMalaki kumaNifayi

Qaphelani, ndiya kunithumelela uEliya umprofeti ngaphambi kokufika komhla omkhulu nowoyikekayo weNkosi; Kwaye uya kuyijikela intliziyo yoobawo ebantwaneni, nentliziyo yabantwana kooyise, hleze ndifike ndize ndiwohlwaye umhlaba ngesiqalekiso.

UMsindisi ovukileyo uphinda isithembiso sikaMalaki ngoEliya kubantu baseMelika, ebonisa ukubaluleka kwaso.

Qaphelani, ndiya kunityhilela uBubingeleli, ngesandla sikaEliya umprofeti, ngaphambi kokufika kwemini enkulu neyoyikekayo yeNkosi. Kwaye iya kutyala ezintliziyweni zabantwana izithembiso ezenziwa koyise, neentliziyo zabantwana ziya kuguqukela kooyise. Ukuba bekungenjalo, umhlaba wonke ubuya kuba yinkcitho kwaphela ekuzeni kwayo.

Amazwi kaMoronayi kaMalaki: uEliya wayeza kubuyisela igunya lobubingeleli aze atyale izithembiso ezenziwa kooyise ezintliziyweni zabantwana.

IMbali—kaJoseph Smith 1:38–39

UJoseph Smith, ebalisa amazwi kaMoronayi

Kwaye kwakhona sacaphula ivesi yesihlanu nje: Yabonani, ndiya kutyhila kuni uBubingeleli ngesandla somprofeti uEliya, phambi kokuza kwemini enkulu neyoyikekayo yeNkosi. Sacaphula kanjalo ivesi elandelayo ngokwahlukileyo: Kwaye uya kutyala ezintliziyweni zabantwana izithembiso ezenziwa kooyise, kwaye iintliziyo zabantwana ziya kubuyela kooyise. Ukuba bekungenjalo, umhlaba wonke ubuya kuphanziswa ngokupheleleyo ekuzeni kwayo.

Ingxelo kaJoseph Smith kaMoronayi ecaphula isiprofeto sikaMalaki ngoEliya kuye ngowe-1823.

Emva kokuba lo mbono uvaliwe, omnye umbono omkhulu nozukileyo wavela ngequbuliso phezu kwethu; kuba uEliya umprofeti, owayethatyathelwe ezulwini engakhange akungcamle ukufa, wema phambi kwethu, waza wathi: Qaphelani, ixesha lifikile ngokuzeleyo, ekwakuthethwe ngalo ngomlomo kaMalaki—engqina okokuba lowo [uEliya] umele ukuthunyelwa, phambi kokuba imini enkulu neyoyikekayo yeNkosi ize— Kubuyiselwe iintliziyo zooyise kubantwana, neentliziyo zabantwana kooyise, hleze umhlaba wonke ndiwuchithe ngokuwuphanzisa— Ke ngoko, izitshixo zeli xesha lokuzihlanganisela zinikelwe ezandleni zenu; kwaye ngoku ninokwazi okokuba imini enkulu neyoyikekayo yeNkosi ikufuphi, nkqu eminyangweni.

UEliya ubonakala kwiTempile yaseKirtland ngowe-1836 aze anikele izitshixo zalo msebenzi kuJoseph Smith noOliver Cowdery.

IMfundiso neMinqophiso 98:16

INkosi, ngoJoseph Smith

Ke ngoko, lahlani imfazwe nize nibhengeze uxolo, nize nifune ngenkuthalo ukujikela iintliziyo zabantwana kwezooyise, neentliziyo zooyise kwezabantwana;

INkosi iyalela abaNgcwele ukuba basebenze ngenkuthalo ekuguquleleni iintliziyo zabantwana nezooyise kubo omnye komnye.

IMfundiso neMinqophiso 138:47–48

UJoseph F. Smith, echaza umbono wakhe wabafileyo

UMprofeti uEliya ubeza kutyala ezintliziyweni zabantwana izithembiso ezenziwa kooyise, Exela ngaphambili umsebenzi omkhulu oza kwenziwa ezitempileni zeNkosi ngexesha lokuzihlanganisela likaThixo lenzaliseko yamaxesha, ngenxa yenkululeko yabafileyo, nokutywinela abantwana ebazalini babo, hleze umhlaba wonke ubethwe ngesiqalekiso kwaye ube yinkcitho kwaphela ekuzeni kwayo.

Ubulungiseleli bukaEliya babuxela kwangaphambili umsebenzi wetempile wabafileyo nokutywinelwa kwabantwana ebazalini.

Ngoku, malunga nemo yomphefumlo phakathi kokufa novuko—Qaphela, kwazisiwe kum yingelosi, okokuba imiphefumlo yabo bonke abantu, kwakamsinya nje ukuba iwushiye lo mziba ufayo, ewe, imiphefumlo yabo bonke abantu, nokokuba ilungile okanye mibi, ithatyathelwa ekhaya kuloo Thixo owathi wayinika ubomi. Kwaye ke kuya kwenzeka okokuba oomoya babo bangamalungisa bamkelwe kwimo yovuyo, ebizwa ngokuba yiparadesi, imo yokuphumla, imo yoxolo, apho baya kuphumla khona kuzo zonke iinkathazo zabo, kwaye nakuyo yonke inkathalo, nosizi.

UAlma ufundisa ukuba oomoya bayaqhubeka bephila emva kokufa, kwaye amalungisa angena kwimeko yokuphumla ebizwa ngokuba yiparadesi.

IMfundiso neMinqophiso 137:7–9

INkosi, kumbono kuJoseph Smith

Njalo kweza ilizwi leNkosi kum, lisithi: Bonke abo bafe ngaphandle kolwazi lwale vangeli, ababengethe bayamkela ukuba babevunyelwe ukuhlala, baya kuba ziindlalifa zobukumkani beselestiyali bukaThixo; Kanjalo bonke abaya kufa ngoku ukuya kwixesha elizayo bengenalo ulwazi lwayo, ababengebeyamkele ngeentliziyo zabo zonke, baya kuba ziindlalifa zobo bukumkani; Kuba mna, iNkosi, ndiya kugweba bonke abantu ngokwemisebenzi yabo, ngokunxulumene neminqweno yeentliziyo zabo.

Abo basweleka bengekayiva ivangeli kodwa ngebebeyamkele abavalelwa ngaphandle; uThixo ugweba ngeminqweno yentliziyo.

IMfundiso neMinqophiso 138:11

UJoseph F. Smith, echaza umbono wakhe wabafileyo

Njengoko ndazikisa ngokuphathelele kwezi zinto ezibhaliweyo, amehlo okuqonda kwam avuleka, noMoya weNkosi waphumla phezu kwam, kwaye ndabona izihlwele zabafileyo, kunye abancinane nabakhulu.

Umbono kaMongameli Joseph F. Smith wowe-1918 welizwe lemimoya uqala xa ecamngca ngezibhalo.

IMfundiso neMinqophiso 138:30

UJoseph F. Smith, echaza umbono wakhe wabafileyo

Kodwa qaphelani, phakathi kwamalungisa, ilungiselele amaqela ayo yaza yanyula abathunywa, banxityiswa amandla negunya, kwaye yabagunyazisa ukuya phambili nokuphatha ukukhanya kwevangeli iye kubo abasemnyameni, nkqu kubo bonke oomoya babantu, kwaye njalo kwashunyayelwa ivangeli kwabafileyo.

UMsindisi walungiselela oomoya abalungileyo ukuba basise ivangeli kubo bonke abafileyo.

IMfundiso neMinqophiso 138:32–34

UJoseph F. Smith, echaza umbono wakhe wabafileyo

Njalo ivangeli yashunyayelwa kwabo babethe bafela ezonweni zabo, ngaphandle kolwazi lwenyaniso, okanye kwisigqitho, bengabafunanga abaprofeti. Aba bafundiswa ukholo kuThixo, ukuguquka ezonweni, nobhaptizelo lokwenzelelela ukuxolelwa kwezono, isipho soMoya oyiNgcwele ngokubeka izandla, Nayo yonke eminye imigaqo yevangeli efanele bona ukuze bazi ukuze bafanele okokuba babe nokugwetywa ngokwabantu besenyameni, kodwa bahlale ngokukaThixo bekuwo umoya.

Oomoya abakwilizwe lemimoya bafundiswa ivangeli epheleleyo, kuquka ubhaptizelo lokwenzelelela.

IMfundiso neMinqophiso 138:53–54

UJoseph F. Smith, echaza umbono wakhe wabafileyo

UMprofeti uJoseph Smith, nobawo, uHyrum Smith, Brigham Young, John Taylor, Wilford Woodruff, nabanye oomoya abakhethekileyo ababelondolozelwe ukuza ngaphambili kwenzaliseko yamaxesha bathathe inxaxheba ekubekeni iziseko zomsebenzi omkhulu wemihla yokugqibela, Ubandakanya ukwakhiwa kweetempile nokwenziwa kwemimiselo kuzo yokukhululwa kwabafileyo, kanjalo babeselizweni lemimoya.

Oomoya abakhethiweyo bagcinwa ukuze babeke iziseko zomsebenzi wemihla yokugqibela, kuquka iitempile nemimiselo yabafileyo.

IMfundiso neMinqophiso 138:57–59

UJoseph F. Smith, echaza umbono wakhe wabafileyo

Ndabona okokuba abadala abathembekileyo beli xesha lokuzihlanganisela likaThixo, xa besimka ebomini benyama, baqhubekekisa imisebenzi yabo ekushumayeleni ivangeli yenguquko nokukhululwa, ngedini loKuphela koZelweyo uNyana kaThixo, phakathi kwabo basemnyameni naphantsi kobukhoboka besono elizweni elikhulu loomoya abafileyo. Abafileyo abaguqukayo baya kukhululwa, ngokuthobela imimiselo yendlu kaThixo. Kwaye emva kokuba behlawule isohlwayo sezigqitho zabo, baze bahlanjwe bacoceke, baya kufumana umvuzo ngokwemisebenzi yabo, kuba baziindlalifa zosindiso.

Abathembekileyo baqhubeka befundisa emva kokufa, kwaye abafileyo abaguqukayo bakhululwa ngemimiselo yetempile.

Kwaye njengabaninzi boomoya ababesentolongweni beza ngaphambili, kwaye bema ekunene kukaThixo; nentsalela yayigcinwe emakhamandeleni obumnyama kude kube ngumgwebo womhla omkhulu.

Embonweni kaEnoki, oomoya abasentolongweni baphuma beze ngasekunene kukaThixo ngokunxulumene nomsebenzi woMsindisi.

IMfundiso neMinqophiso 124:29–30

INkosi, ngoJoseph Smith

Kuba akukho qula lokubhaptizela elikhoyo phezu komhlaba, ukuze bona, abangcwele bam, babe nokubhaptizela abo bafileyo— Kuba lo mmiselo ungowendlu yam, kwaye awunako ukwamkeleka kum, kuphela kwimihla yobuhlwempu benu, kubo aninako ukwakhela indlu kum.

INkosi ibhengeza ukuba ubhaptizelo lwabafileyo lufanele lube setempileni Yayo.

IMfundiso neMinqophiso 128:5

UJoseph Smith, kwileta eya kubaNgcwele

Ninokucinga olu cwangciso lwezinto lunenkcukacha kakhulu; kodwa mandinixelele okokuba kukuphendula kuphela intando kaThixo, ngokuvumelana nommiselo nolungiselelo iNkosi elumiseleyo nelilungisileyo phambi kwesiseko sehlabathi, sosindiso lwabafileyo abanokufa ngaphandle kolwazi lwevangeli.

Usindiso lwabo basweleka ngaphandle kwevangeli lwacwangciswa phambi kokudalwa kwehlabathi.

IMfundiso neMinqophiso 128:15

UJoseph Smith, kwileta eya kubaNgcwele

Kwaye ngoku, bazalwana bam nodade abathandeka kakhulu, mandiniqinisekise ukuba le yimigaqo enxulumene nabafileyo kwaye abaphilileyo abangenako ukuyigqithisela ngokungakhathaliyo, njengokuphathelele elusindisweni lwethu. Kuba usindiso lwabo luyimfuneko kwaye lubalulekile elusindisweni lwethu, njengoko uPawulos athi ngokunxulumene noobawo—abo bangekunye nathi abanako ukwenziwa bagqibelele—nathi singenako ukwenziwa sigqibelele ngaphandle kwabafileyo bethu.

Usindiso lwethu nosindiso lookhokho bethu zibotshelelwe kunye; akukho namnye wenziwa agqibelele ngaphandle komnye.

IMfundiso neMinqophiso 132:46

INkosi, ngoJoseph Smith

Kwaye inene, inene, ndithi kuwe, okokuba nantonina oyitywina emhlabeni iya kutywinwa ezulwini; kwaye nantonina oyibopha emhlabeni, egameni lam nangelizwi lam, itsho iNkosi, iya kubotshwa ngonaphakade emazulwini; nabanina ozono uzixolelayo emhlabeni ziya kuxolelwa ngonaphakade emazulwini; nabanina ozono zakhe uzibambayo emhlabeni ziya kubanjwa ezulwini.

INkosi iyaqinisekisa ukuba oko kutywinwe emhlabeni ngegunya layo kutywinwe ngonaphakade ezulwini.

IMfundiso neMinqophiso 127:6–7

INkosi, kwileta evela kuJoseph Smith

Inene, itsho njalo iNkosi kuni ngokunxulumene nabafileyo benu: Xa nobanina abangabenu bebhaptizelwa abafileyo benu, makubekho umrekhodi, kwaye mvumeleni abe lingqina elibonayo lobhaptizo lwenu; makeve ngeendlebe zakhe, ukuze abe nokungqina okwenyaniso, itsho iNkosi; Ukuze kuzo zonke iirekhodi zibe nokuba zirekhodiwe ezulwini; nakuphina okubotshwe emhlabeni, makube kubotshiwe ezulwini; nakuphina okukhululweyo emhlabeni, makube kukhululwe ezulwini;

Ubhaptizo ngokwenzelelela kufuneka lubonwe ngamangqina kwaye lubhalwe ukuze lubhalwe nasezulwini.

IMfundiso neMinqophiso 128:8

UJoseph Smith, kwileta eya kubaNgcwele

Ngoku, ubume balo mmiselo buqulathwe emandleni obubingeleli, ngesityhilelo sikaYesu Krestu, apho kuwo kunikwe okokuba nantoni na eniyibophayo emhlabeni iya kubotshwa emazulwini, nantoni na eniyikhulula emhlabeni iya kukhululwa emazulwini. Okanye, ngamanye amazwi, kuthathwa imbono eyahlukileyo yoguqulelo, nantoni na eniyibhala emhlabeni iya kubhalwa emazulwini, kwaye nantoni na eningayibhaliyo emhlabeni ayisayi kubhalwa emazulwini; kuba kwezoo ncwadi abenu abafileyo bakugwetywa, ngokunxulumene nemisebenzi eyiyeyabo, nokukuba bona ngokwabo bathe banyamekela imimiselo ngopropria persona, okanye ngendlela yeearhente ezizezabo, ngokunxulumene nommiselo uThixo awulungiselele usindiso lwabo ukususela kwisiseko sehlabathi, ngokunxulumene neembali abathe bazigcina ngokunxulumene nabafileyo babo.

Imimiselo ebhalwe emhlabeni ngegunya lobubingeleli ibhalwa ezulwini, nokuba yamkelwe ngumntu ngokwakhe okanye ngokwenzelelela.

IMfundiso neMinqophiso 128:9

UJoseph Smith, kwileta eya kubaNgcwele

Kunokubonakala kwabanye iyimfundiso ecace kakhulu esithetha ngayo—amandla abhalayo okanye abophelelayo emhlabeni nabophelelayo ezulwini. Nangona kunjalo, kuyo yonke iminyaka yehlabathi, naninina iNkosi inike ixesha lokuzihlanganisela kuyo nayiphina indoda ngoqobo lwesityhilelo, okanye nawaphina amaqela afanayo amadoda, la mandla soloko enikiwe. Yiyo loo nto, nantoni loo madoda ayenzayo egunyeni, egameni leNkosi, kwaye ayenze ngokunyanisekileyo nangokuthembekileyo, kwaye agcina umbhalo ofanelekileyo nothembekileyo owokufanayo, waba ngumthetho emhlabeni nasezulwini, kwaye ungenako ukutshitshiswa, ngokunxulumene nommiselo kaYehova omkhulu. Le yintetho ethembekileyo. Ngubanina onokuyiva?

Amandla okubopha emhlabeni nasezulwini anikiwe kwixesha ngalinye lokuzihlanganisela likaThixo, kwaye iirekhodi ezithembekileyo zenza umsebenzi ubophelele.

Kwaye kwenzekile okokuba ubawo, uLihayi, afumane kanjalo umlibo wookhokho bakhe kumacwecwe obhedu; ngako oko wazazi ukuba usisizukulwana sikaYosefu; ewe, kwalo Yosefu wayengunyana kaYakobi, owathengiswa eYiputa, kwayena owalondolozwa sisandla seNkosi, ukuze alondoloze uyise, uYakobi, nosapho lwakhe lonke, ekutshabalaleni ngenxa yendlala.

ULihayi ufumana umnombo wakhe kumacwecwe obhedu aze afunde ukuba uyinzala kaJoseph waseYiputa.

Qaphelani, bonyana bam, ndinqwenela okokuba ningakhumbula ukuyigcina imiyalelo kaThixo; kwaye ndinga ningawavakalisa ebantwini la mazwi. Qaphelani, ndininike amagama abazali bethu bokuqala ababephuma kulo ilizwe laseYerusalem; kwaye oku ndikwenze ukuze nakuba nikhumbula amagama enu nibe nokukhumbula bona; kwaye nakuba nibakhumbula nikhumbule imisebenzi yabo; kwaye nakuba nikhumbula imisebenzi yabo nibe nokwazi okokuba kungani kuthethiwe, kananjalo kubhaliwe, okokuba babelungile.

UHilaman wathiya oonyana bakhe ngamagama ookhokho abalungileyo ukuze ukukhumbula amagama abo kubakhumbuze ngokulunga kookhokho babo.

Ngoku uAdam wathetha esi siprofetho, njengoko eqhutywa nguMoya oyiNgcwele, kwaye nomlibo wabantwana bakaThixo wawugciniwe. Kwaye wona wawuyincwadi yezizukulwana zika-Adam, esithi: Ngawo umhla uThixo awadala umntu, wamenza ngemfano kaThixo;

Ukususela kwimihla ka-Adam kwagcinwa umnombo wabantwana bakaThixo, irekhodi yosapho yokuqala ebhaliweyo.

Kodwa iimbali zoobawo, nkqu oosolusapho, ngokwelungelo loBubingeleli, iNkosi uThixo wam wazilondoloza ezandleni ezizezam; ke ngoko ulwazi lwasekuqalekeni kwendalo, kananjalo olweeplanethi, nolweenkwenkwezi, njengoko zenziwe zaziwa koobawo, ndizigcine kwade kwanguwo lo mhla, kwaye ndiya kuzama ukubhala ezinye zezi zinto phezu kwale mbali, ukunceda isizukulwana sam esiya kuza emva kwam.

UAbraham wazigcina iirekhodi zooyise kwaye wabhalela inzala yakhe ukuze ibe nenzuzo.

IMfundiso neMinqophiso 128:18

UJoseph Smith, kwileta eya kubaNgcwele

Ngendithe ndaninika uguqulelo olucacileyo koku, kodwa lucace ngokwaneleyo ukufanela injongo yam njengoko injalo. Kwanele ukwazi, kule meko, okokuba umhlaba uya kubethwa ngesiqalekiso ngaphandle kokuba unxibelelwano oludibanisayo lohlobo oluthile okanye phakathi kooyise nabantwana, phezu kwesihloko esithile okanye esinye—kwaye qaphelani yintoni eso sihloko? Lubhaptizelo lwabafileyo. Kuba ngaphandle kwabo asinako ukwenziwa sigqibelele; bengenako nabo ukwenziwa bagqibelele ngaphandle kwethu. Bengenako nakwenziwa bagqibelele ngaphandle kwabo bafele evangelini kanjalo; kuba kuyimfuneko ekungenisweni kwixesha lokuzihlanganisela likaThixo lenzaliseko yamaxesha, xesha lokuzihlanganisela likaThixo ngoku eliqalisayo, ukuze umanyano olupheleleyo noluzeleyo nolugqibeleleyo, kwaye ludibanise kunye okwamaxesha okuzihlanganisela kaThixo, nezitshixo, namandla, nozuko zimele ukwenzeka, kwaye zityhilwe ukusuka kwimihla ka-Adam nkqu ukuya kwixesha elikhoyo. Kwaye ingekuko ukuphela koku, kodwa ezo zinto zingazange zityhilwe ukususela kwisiseko sehlabathi, kodwa bekugcine kufihlwe kwabalumkileyo neengqondi, oku kuya kutyhilelwa ezintsaneni nakwezincancayo, ixesha lokuzihlanganisela likaThixo lenzaliseko yamaxesha.

Umsebenzi wabafileyo “lunxibelelwano oludibanisayo” oluhlanganisa izizukulwana zibe yimanyano enye egqibeleleyo.

IMfundiso neMinqophiso 128:22

UJoseph Smith, kwileta eya kubaNgcwele

Bazalwana, asisayi kuqhubekeka nakwinjongo enje ukuba nkulu? Hambelani phambili kwaye ningabuyi mva. Inkalipho, bazalwana; nakulo, kulo uloyiso! Iintliziyo zenu mazigcobe, kwaye zivuye ngokugqithisileyo. Umhlaba mawufikele ekuculeni. Abafileyo mabathethele ngaphambili imibongo yokudumisa kwanaphakade kuKumkani uImanuweli, owamiselayo, ngaphambili kokuba ihlabathi libekho, oko kwakuya kusenza sibenako ukubakhulula entolongweni yabo; kuba amabanjwa aya kukhululeka.

Ubizo oluvuyisayo lukaJoseph Smith lokuqhubela phambili ekukhululeni abafileyo, kuba amabanjwa aya kukhululeka.

IMfundiso neMinqophiso 128:24

UJoseph Smith, kwileta eya kubaNgcwele

Qaphelani, umhla omkhulu weNkosi ukufuphi; kwaye ngubani onako ukumelana nomhla wokuza kwayo, kwaye ngubani onako ukuma xa ibonakala? Kuba injengomlilo womcokisi, nanjengesepha yomxovuli; kwaye iya kuhlala njengomcokisi nomcoci wesilivere, kwaye iya kuhlambulula oonyana bakaLevi, aze abahlambulule njengegolide nesilivere, ukuze babe nokunikela eNkosini umnikelo wobulungisa. Ke ngoko, njengebandla nabantu, nanjengabaNgcwele beMihla yokuGqibela, masinikele eNkosini umnikelo ebulungiseni; kwaye masizise etempileni yayo engcwele, xa igqityiwe, incwadi equlathe iirekhodi zabafileyo bethu, eziya kufanela okwalo lonke ulwamkelo.

AbaNgcwele bayamenywa ukuba banikele etempileni incwadi efanelekileyo equlathe iirekhodi zabafileyo babo.