Lebaka la go bo re dira ditso tsa lelapa

3 Nifae 25:5–6

Jeso Keresete, a nopola Malaki mo Banefing

Bonang, ke tlaa lo romelela Elija moporofiti pele ga go tla ga letsatsi le legolo le le boitshegang la Morena; Mme o tlaa sokololela pelo ya borrabana kwa baneng, le pelo ya bana kwa go borraabo, e se re kgotsa ka tla mme ka itaya lefatshe ka khutso.

Mmoloki yo o tsogileng o boeletsa tsholofetso ya ga Malaki ka ga Elija mo bathong ba kwa Amerika, a bontsha botlhokwa jwa yone.

Bonang, ke tlaa lo senolela Boperesiti, ka seatla sa ga Elija moperofeti, pele ga go tla ga letsatsi le legolo le le boitshegang la Morena. Mme ene o tlaa tlhoma mo dipelong tsa bana ditsholofetso tse di dirilweng mo go borraabone, mme dipelo tsa bana di tlaa sokologela go tsa borraabone. Fa go ne go sa nna jalo, lefatshe lotlhe le tlaa senngwa gotlhelele mo go tleng ga gagwe.

Mafoko a ga Moroni a ga Malaki: Elija o ne a tlaa busetsa taolo ya boperesiti le go tlhoma ditsholofetso tse di dirilweng kwa borraetsho mo dipelong tsa bana.

Joseph Smith—Ditso 1:38–39

Joseph Smith, a pheta mafoko a ga Moroni

Mme gape, a nopola temana ya botlhano jaana: Bonang, ke tlaa lo senolela Boperesiti ka seatla sa Moperofeti Elijah, pele ga go tla ga letsatsi le legolo le le boitshegang la Morena. Mme le gone a nopola temana e e latelangka pharologanyo: Mme o tlaa tlhoma mo dipelong tsa bana ditsholofetso tse di dirilweng mo go borraabone, mme dipelo tsa bana di tlaa sokologela kwa go borraabone. Fa gone go sa nna jalo, lefatshe lotlhe le tlaa senngwa gotlhelele ka go tla gagwe.

Pego ya ga Joseph Smith ya ka fa Moroni a mo nopoletseng boperofeti jwa ga Malaki ka ga Elija ka teng ka 1823.

Morago ga ponatshegelo e e sena go tswalwa, ponatshegelo e nngwe e kgolo e bile e galalela ya bonala mo go rona; gonne moperofeti Elija, yo o neng a tseelwa kwa legodimong a sa utlwa loso, a ema fa pele ga rona, mme a re: Bonang, nako ka botlalo e fitlhile, e e neng e builwe ka molomo wa ga Malaki—a paka gore [Elija] o tlaa romelwa, pele ga le letsatsi le legolo le le boitshegang la Morena le tla— Go sokololela dipelo tsa bo rraabana mo baneng, le dipelo tsa bana kwa go borraabo, e sere kgotsa lefatshe lotlhe la itewa ka phutso— Ke gone ka moo, dilotlele tsa tebalebelo e di neetswe mo diatleng tsa lona; mme ka se lo ka itse gore letsatsi le legolo le le le boitshegang la Morena le gaufi, le e leng mo dikgorong.

Elija o bonala mo Tempeleng ya Kirtland ka 1836 mme o neela Joseph Smith le Oliver Cowdery dilotlele tsa tiro e.

Dithuto le Dikgolagano 98:16

Morena, ka Joseph Smith

Ke gone ka moo, itatoleng ntwa mme lo bolele kagiso, mme lo batleng ka tlhwaafalo go sokololela dipelo tsa bana go borraabone, le dipelo tsa borraabana go bana;

Morena o laela Baitshepi go dira ka natla go sokololela dipelo tsa bana le tsa borre kwa go ba bangwe.

Dithuto le Dikgolagano 138:47–48

Joseph F. Smith, a tlhalosa ponatshegelo ya gagwe ya baswi

Moperofeti Elija o ne a tshwanetse go tlhoma mo dipelong tsa bana ditsholofetso tse di dirilweng mo go borraabone, A supa go sale pele tiro e kgolo e e tlaa dirwang mo ditempeleng tsa Morena mo tebalebelong ya botlalo jwa metlha, ya thekololo ya baswi, le ya go kanela bana mo batsading ba bone, e sere kgotsa lefatshe lotlhe la itewa ka phutso mme le senngwe gotlhelele ka go tla ga gagwe.

Thomo ya ga Elija e ne e supa go sa le gale tiro ya tempele ya baswi le go kanelwa ga bana mo batsading.

Jaanong, mabapi le seemo sa botho fa gare ga loso le tsogo—Bona, go itsisitswe go nna ke moengele, gore mewa ya batho botlhe, fela fa jaaka e emelela go tswa mo mmeleng o o swang o, ee mewa ya batho botlhe, go sa re sepe gore a ba molemo kgotsa ba bosula, e tseelwa gae kwa Modimong o o e fileng botshelo. Mme jaanong foo go tlaa diragala, gore mewa ya bao ba ba siameng e amogelwe mo seemong sa boitumelo, se se bidiwang lefelo le le itshekileng, seemo sa boikhutso, seemo sa kagiso, kwa ba tlaa ikhutsang go tswa mo mathateng otlhe a bone le go tswa mo tlhokomeleng yotlhe le matlhoko.

Alma o ruta gore mewa e tswelela e tshela morago ga loso, mme basiami ba tsena mo seemong sa boikhutso se se bidiwang parataise.

Dithuto le Dikgolagano 137:7–9

Morena, mo ponatshegelong kwa go Joseph Smith

Jaana ga tla lentswe la Morena kwa go nna, le re: Botlhe ba ba suleng ba sena kitso ya efangele e, ba ba kabong ba e amogetse fa ba ne ba letleletswe go diega, ba tlaa nna baja boswa jwa bogosi jwa selesetiale wa Modimo; Le gone botlhe ba ba tlaa swang go tswa fa ba sena kitso ya jone, ba ba kabong ba e amogetse ka dipelo tsa bone tsotlhe, ba tlaa ja boswa jwa bogosi joo; Gonne Nna, Morena, ke tlaa atlhola batho go ya ka ditiro tsa bone, go ya ka keletso ya dipelo tsa bone.

Ba ba tlhokafetseng ba sa utlwa efangele mme ba ka bo ba e amogetse ga ba tswalelwe kwa ntle; Modimo o atlhola go ya ka dikeletso tsa pelo.

Dithuto le Dikgolagano 138:11

Joseph F. Smith, a tlhalosa ponatshegelo ya gagwe ya baswi

Jaaka Ke ne ke tlhatlhanya ka ga dilo tse tse di kwadilweng, matlho a tlhaloganyo ya me a ne a bulega, mme Mowa wa Morena wa nna mo go nna, mme Ka bona masomosomo a baswi, gotlhe bannye le bagolo.

Ponatshegelo ya ga Poresidente Joseph F. Smith ya ka 1918 ya lefatshe la mewa e simolola fa a tlhatlhanya ka dikwalo.

Dithuto le Dikgolagano 138:30

Joseph F. Smith, a tlhalosa ponatshegelo ya gagwe ya baswi

Mme bonang, go tswa mo gare ga basiami, o ne a rulaganya ditlhopha tsa gagwe a bo a tlhoma barongwa, ba apesitswe ka thata le taolo, mme a ba laela go tswela pele le go isa lesedi la efangele kwa go bone ba ba baneng ba le mo lefifing, le e leng kwa meweng yotlhe ya batho; mme jaana efangele e ne ya rerelwa baswi.

Mmoloki o ne a rulaganya mewa e e siameng go isa efangele kwa baswing botlhe.

Dithuto le Dikgolagano 138:32–34

Joseph F. Smith, a tlhalosa ponatshegelo ya gagwe ya baswi

Jaana efangele ya rerelwa bao ba swetseng mo dibeng tsa bone, ba sena kitso ya boammaaruri, kgotsa ba le mo tlolong, ba ba neng ba ganne baperofeti. Bano ba ne ba rutiwa tumelo mo Modimong, boikotlhao go tswa mo sebeng, kolobetso mo boemong jwa baswi go itshwarelwa dibe, neo ya Mowa o o Boitshepo ka go bewa diatla, Le melawana yotlhe e mengwe ya efangele e go neng go tlhokega gore ba e itse gore ba inonotshe gore ba ka atlholwa jaaka batho mo nameng, mme ba tshelele Modimo mo moweng.

Mewa mo lefatsheng la mewa e rutiwa efangele e e feletseng, go akaretsa kolobetso mo boemong jwa baswi.

Dithuto le Dikgolagano 138:53–54

Joseph F. Smith, a tlhalosa ponatshegelo ya gagwe ya baswi

Moperofeti Joseph Smith, le rre, Hyrum Smith, Brigham Young, John Taylor, Wilford Woodruff, le mewa e mengwe ya baitshenkedwi ba ba neng ba beetswe go tla mo botlalong jwa metlha go tsaya karolo mo go thaeng metheo ya tiro e kgolo ya malatsi a bofelo, Go akaretsa go agiwa ga ditempele le go diragatsa ditao mo go tsone tsa thekololo ya baswi, le bone ba ne ba le mo lefatsheng la mowa.

Mewa e e tlhophilweng e ne ya bolokelwa go baya metheo ya tiro ya malatsi a bofelo, go akaretsa ditempele le ditao tsa baswi.

Dithuto le Dikgolagano 138:57–59

Joseph F. Smith, a tlhalosa ponatshegelo ya gagwe ya baswi

Ka bona gore bagolwane ba ba boikanyego ba tebalebelo e, fa ba tloga mo botshelong, ba tsweledisa ditiro tsa bone mo go rereng efangele ya boikotlhao le thekololo, ka setlhabelo sa Morwa yoo Tsetsweng a le Esi wa Modimo, mo gare ga bao ba ba mo lefifing mme ba le ka fa tlase ga botshwaro jwa sebe mo lefatsheng le legolo la mewa ya baswi. Baswi ba ba ikwatlhayang ba tlaa rekololwa, ka go obamela ditao tsa ntlo ya Modimo, Mme fa ba sena go duela kotlhao ya ditlolo tsa bone, mme ba tlhatswitswe go nna phepa, ba tlaa amogela tuelo go ya ka ditiro tsa bone, gonne ke barua boswa jwa poloko.

Ba ba ikanyegang ba tswelela ba ruta morago ga loso, mme baswi ba ba ikwatlhayang ba rekololwa ka ditao tsa tempele.

Mme jaaka bontsi jwa mewa bo ne bo le mo kgolegelong jwa tswa, mme jwa ema mo seatleng sa moja sa Modimo; mme masalela a bewa mo dikeetaneng tsa lefifi go fitlhelela katlholo ya letsatsi le legolo.

Mo ponatshegelong ya ga Enoke, mewa e e mo kgolegelong e tswela kwa seatleng se segolo sa Modimo mabapi le tiro ya Mmoloki.

Dithuto le Dikgolagano 124:29–30

Morena, ka Joseph Smith

Gonne lefelo la kolobetso ga leo mo lefatsheng, gore bone, baitshepi ba me, ba ka kolobeletswa bao ba ba tlhokafetseng— Gonne ditao tse ke tsa ntlo ya me, mme di ka se amogelesege mo go nna, fa e se fela mo malatsing a bohumanegi jwa lona, jo mo go bone le ka sekeng la kgona go nkagela ntlo.

Morena o bolela gore kolobetso mo boemong jwa baswi e tshwanetse go nna mo tempeleng ya Gagwe.

Dithuto le Dikgolagano 128:5

Joseph Smith, mo lekwalong kwa Baitshepeng

Lo ka akanya gore thulagano e ya dilo e tsepame thata; mme tlang ke le bolele gore ke fela go diragatsa go rata ga Modimo, ka go dumalana le tao le paakanyetso e Morena a e tlhomileng le go e baakanya pele ga motheo wa lefatshe, go diragatsa poloko ya baswi ba ba tlaa swang ba sena kitso ya efangele.

Poloko ya ba ba tlhokafetseng ba sena efangele e ne ya rulaganngwa pele ga lefatshe le bopiwa.

Dithuto le Dikgolagano 128:15

Joseph Smith, mo lekwalong kwa Baitshepeng

Mme jaanong, bakaulengwe le bokgaitsadi ba me ba ba rategang, tlang ke lo rurifaletse gore tse ke melawana mabapi le baswi le batshedi e e sa kakeng ya itlhokomolosiwa, mabapi le poloko ya rona. Gonne poloko ya bone e a tlhokega e bile e botlhokwa mo polokong ya rona, jaaka Paulo a bua mabapi le borre—gore bone kwantle ga rona ba kake ba dirwa boitekanelo—le fa e le rona ga re kake ra dirwa boitekanelo kwantle ga baswi ba rona.

Poloko ya rona le poloko ya bagologolo ba rona di bofagantswe mmogo; ga go nngwe e e dirwang boitekanelo kwa ntle ga e nngwe.

Dithuto le Dikgolagano 132:46

Morena, ka Joseph Smith

Mme ammaaruri, ammaaruri, Ke a go raya, gore sengwe le sengwe se o se kanang mo lefatsheng se tlaa kanwa kwa legodimong; mme sengwe le sengwe se o se bofang mo lefatsheng, mo leineng la me go ya ka lefoko la me, go bua Morena, se tlaa bofiwa ka bo sa khutleng kwa legodimong; mme le fa e le mang yo dibe tsa gagwe o di itshwarelang mo lefatsheng di tlaa itshwarelwa ka bo sa khutleng kwa legodimong; mme le fa e le mang yo dibe tsa gagwe o di gakologelwang mo lefatsheng di tlaa gakologelwa kwa legodimong.

Morena o tlhomamisa gore se se kanelwang mo lefatsheng ka taolo ya Gagwe se kanelwa kwa legodimong ka bosakhutleng.

Dithuto le Dikgolagano 127:6–7

Morena, mo lekwalong la ga Joseph Smith

Ammaaruri, go bua jaana Morena mo go lona mabapi le baswi ba lona: Fa mongwe wa lona a kolobediwa mo boemong jwa baswi ba lona, a go nne le mokwaledi, mme a e nne mosupi wa dikolobetso tsa lona; a a utlwe ka ditsebe tsa gagwe, gore o ka paka ka boammaaruri, go bua Morena; Gore mo mekwalong yotlhe ya lona go ka kwalwa kwa legodimong, le fa e le eng se lo se bofang mo lefatsheng, se ka bofiwa kwa legodimong; le fa e le eng se le se bofololang mo lefatsheng, se ka bofololwa kwa legodimong;

Dikolobetso mo boemong jwa ba bangwe di tshwanetse go nna le basupi le go kwalwa gore le tsone di kwalwe kwa legodimong.

Dithuto le Dikgolagano 128:8

Joseph Smith, mo lekwalong kwa Baitshepeng

Jaanong, tlholego ya tao e mo thateng ya boperesiti, ka tshenolo ya ga Jeso Keresete, e ka yone go neetsweng gore le fa e le eng se o se bofang mo lefatsheng se tlaa bofiwa kwa legodimong, mme le fa e le eng se o se bofololang mo lefatsheng se tlaa bofololwa kwa legodimong. Kgotsa, ka mafoko a mangwe, fa re tlhaloganya thanolo ka tsela e sele, le fa e le eng se o se kwalang mo lefatsheng se tlaa kwalwa kwa legodimong, mme le fa e le eng se o sa se kwaleng mo lefatsheng ga se kitla se kwalwa kwa legodimong; gonne go tswa mo dibukeng baswi ba lona ba tlaa atlholwa, go yeng ka ditiro tsa bone, fa bone ka bo bone ba dirile ditao ka sebele, kgotsa ka baemedi ba bone, go yeng ka tao e Modimo a e baakanyeditseng poloko ya bone go tswa pele ga motheo wa lefatshe, go yeng ka dipego tse ba di tshegeditseng mabapi le baswi ba bone.

Ditao tse di kwadilweng mo lefatsheng ka taolo ya boperesiti di kwalwa kwa legodimong, le fa di amogetswe ke motho ka boene kgotsa mo boemong jwa gagwe.

Dithuto le Dikgolagano 128:9

Joseph Smith, mo lekwalong kwa Baitshepeng

E ka lebega mo go bangwe go nna thuto e e thata e re buang ka ga yone—thata e e kwalang kgotsa e e bofang mo lefatsheng le go bofa kwa legodimong. Le fa gontse jalo, mo dingwageng tsotlhe tsa lefatshe, nako nngwe le nngwe e Morena a neetseng tebalebelo ya boperesiti mo monneng ope ka tshenolo tota, kgotsa setlhopha sa banna, thata e e neetswe ka metlha. Ke gone ka moo, le fa e le eng se banna bao ba se dirileng ka taolo, mo leineng la Morena, mme ba se dirile ka boammaaruri le boikanyego, mme ba tshegeditse pego e e lolameng le e e boikanyego ya sone seo, e nnile molao mo lefatsheng le kwa legodimong, mme e ka seke e phimolwe, go ya ka ditao tsa ga Jehofa yo mogolo. Se ke puo e e boikanyego. Ke mang yo o ka e utlwang?

Thata ya go bofa mo lefatsheng le kwa legodimong e neetswe mo tebalebelong nngwe le nngwe, mme direkoto tse di boikanyego di dira gore tiro e bofe.

Mme go ne ga diragala gore ntate, Lihae, gape a fitlhela mo dipapetlaneng tsa borase losika lwa borraagwe; ka jalo he a itse gore ke kokomana ya ga Josefe; ee, le ene tota Josefe, yo e neng e le morwa Jakobe yo o neng a rekisiwa mo Egepeto, a ba a babalelwa ka seatla sa Morena, gore o ka tla a babalela rraagwe, Jakobe, le botlhe ba ntlo ya gagwe mo go nyeleleng ka tlala.

Lehi o bona ditso tsa losika lwa gagwe mo dipoleiting tsa kgotlho mme o ithuta gore o tswa mo go Josefa wa kwa Egepeto.

Bonang, barwaaka, ke eletsa gore lo gakologelwe go tshegetsa ditaelo tsa Modimo; mme ke eletsa gore lo begele go batho mafoko a. Bonang, ke lo file maina a batsadi ba rona ba ntlha ba ba duleng kwa lefatsheng la Jerusalema; mme se ke se dirile gore fa lo gakologelwa maina a lona lo ka ba gakologelwa; mme fa lo ba gakologelwa lo ka gakologelwa ditiro tsa bone; mme fa lo gakologelwa ditiro tsa bone lo ka itse gore go builwe jang, e bile go kwadilwe, gore ba ne ba le molemo.

Helamane o ne a rea barwa ba gagwe maina a bagologolo ba ba siameng gore go gakologelwa maina a bone go ba gakolole molemo wa borraabone.

Jaanong perofeso e Atamo o e buile, jaaka a ne a tlhotlhelediwa ke Mowa o o Boitshepo, mme lotsalo lwa bana ba Modimo lo ne lwa tshegediwa. Mme se e ne e le buka ya ditshika tsa ga Atamo, lo re: Mo letsatsing leModimo a tlhodileng motho ka lone, mo setshwanong sa Modimo a mo dira;

Go tloga mo malatsing a ga Atame, go ne ga bolokwa ditso tsa losika tsa bana ba Modimo, pego ya ntlha ya lelapa e e kwadilweng.

Mme dipolelo tsa borre, e bong bapatiriaka, mabapi le tshwanelo ya Boperesiti, Morena Modimo a di dibela mo diatleng tsa me; ke gone ka moo kitso ya tshimologo ya tlholego, mme le gone ya dipolanete, le ya dinaledi, jaaka di ne di itsisitswe borre, ke di tshegeditse le e leng go fitlha mo letsatsing le, mme ke tlaa leka go kwala dingwe tsa dilo tse mo polelong e, go thusa kokomana ya me e e tlaa tlang morago ga me.

Aborahame o ne a boloka direkoto tsa borraagwe mme a kwala ka ntlha ya losika lwa gagwe lo lo tlang.

Dithuto le Dikgolagano 128:18

Joseph Smith, mo lekwalong kwa Baitshepeng

Ke ka tswa ke neetse thanolo e e motlhofo ka ga se, mme e motlhofo mo go lekaneng go dumalana le maikaelelo a me jaaka a ntse. Go lekane go itse, mo kgang e, gore lefatshe le tlaa itewa ka phutso fa e se go na le kgokagano e e tshwaraganeng ya mofuta mongwe kgotsa e nngwe mo gare ga borrabana le bana, mo thutong nngwe kgotsa e nngwe—mme bonang ke efe thuto eo? Ke go kolobelediwa baswi. Gonne rona kwantle ga bone ga re kake ra dirwa boitekanelo; le fa e le bone kwantle ga rona ga ba kake ba dirwa boitekanelo. Le fa e le bone le e seng rona ga re kake ra dirwa boitekanelo kwantle ga bao ba ba swetseng mo mo efangele le bone; gonne go a tlhokega mo tshimolodisong ya tebalebelo ya metlha e e feletseng, tebalebelo e jaanong e simololang go tsena, gore tshwaragano mmogo e e feletseng le e e tletseng le e e boitekanelo ya ditebalebelo, le dilotlele, le dithata, le dikgalalelo di ka diragala, mme di senolwe go tswa ka malatsi a ga Atame le e leng go fitlha nako e. Mme e seng fela se, mme dilo tseo tse di iseng di ke di senolwe go tswa kwa motheong wa lefatshe, mme di ntse di fitlhetswe ba ba botlhale le senokopela, di tlaa senolelwa bana ba bannye le ba ba anywang, mo go e, tebalebelo ya metlha e e feletseng.

Tiro ya baswi ke “kgokagano e e tshwaraganyang” e e kopanyang dikokomana go nna bongwe jo bo boitekanelo.

Dithuto le Dikgolagano 128:22

Joseph Smith, mo lekwalong kwa Baitshepeng

Bakaulengwe, are tlaa seka re tswelela mo ntlheng e kgolo jaana? Tswelelang pele mme e seng go katela morago. Bopelokgale, bakaulengwe; mme tswelelang, tswelelang mo phenyong! A dipelo tsa lona di itumele, mme di ipele thata. A lefatshe le ponyege mo go opeleng. A baswi ba bolele difela tsa kgalaletso ya bosakhutleng kwa go Kgosi Immanuele, yo o tlhomileng, pele ga lefatshe le nna teng, seo se se tlaa re nonotshang go ba rekolola go tswa mo kgolegelong ya bone; gonne magolegwa a tlaa gololesega.

Pitso e e itumedisang ya ga Joseph Smith ya go tswelela pele mo go rekololeng baswi, gonne magolegwa a tlaa gololesega.

Dithuto le Dikgolagano 128:24

Joseph Smith, mo lekwalong kwa Baitshepeng

Bonang, letsatsi le legolo la Morena le gaufi; mme ke mang yo o ka itshokelang motlha wa go tla ga gagwe, mme ke mang yo o tlaa emang mogang a bonalang? Gonne o tshwana le molelo o o tlhaolang, le jaaka sesepa sa motlhatswi, mme o tlaa nna jaaka moitshekisi le montlafatsi wa selefera, mme o tlaa ntlafatsa barwa Lefi, mme a ba ntlafatse jaaka gauta le selefera, gore ba ka isetsa Morena tshupelo mo tshiamong. Ke gone ka moo, a re, jaaka kereke le batho, le jaaka Baitshepi ba Malatsi a Bofelo, re isetseng Morena tshupelo mo tshiamong; mme a re supeng mo tempeleng ya gagwe, fa e fedile, buka e e nang le dipego tsa baswi ba rona, e e tla tshwanelwang ke kamogelo yotlhe.

Baitshepi ba lalediwa go isa mo tempeleng buka e e tshwanelwang e e nang le direkoto tsa baswi ba bone.