Mësime
Për anëtarët e Kishës së Jezu Krishtit të Shenjtorëve të Ditëve të Mëvonshme, historia familjare nuk është një hobi. Është pjesë e mënyrës si Zoti i mbledh fëmijët e Tij dhe i vulos familjet së bashku përgjithmonë. Ja çfarë kanë mësuar për të shkrimet e shenjta dhe profetët e apostujt e Zotit, me lidhje për ta lexuar dhe për ta parë secilin të plotë në faqen e vetë Kishës.
15Dhe tani, vëllezërit dhe motrat e mia shumë të dashura, më lini t’ju siguroj se këto janë parime në lidhje me të vdekurit dhe të gjallët, të cilat nuk duhet të kalohen me lehtësi, përsa i përket shpëtimit tonë. Sepse shpëtimi i tyre është i nevojshëm dhe thelbësor për shpëtimin tonë, sikurse Pali tha lidhur me etërit—që ata pa ne nuk mund të bëhen të përsosur—as ne nuk mundemi, pa të vdekurit tanë, të bëhemi të përsosur.
Doktrina e Besëlidhje 128:15Joseph Smith, në një letër drejtuar shenjtorëveÇfarë mësojnë shkrimet e shenjta dhe profetët për historinë familjare →Nga Bibla, Libri i Mormonit, Doktrina e Besëlidhje dhe Perla me Vlerë të Madhe. Çdo referencë e hap pjesën në Bibliotekën e Ungjillit të Kishës.
Premtimi që nisi gjithçka, i përsëritur në çdo libër të shkrimeve të shenjta.
Jezu Krishti, duke cituar Malakinë para nefitëve
Vini re, unë do t’ju dërgoj Elijan, profetin, para ardhjes së ditës së madhe dhe të tmerrshme të Zotit. Dhe ai do të kthejë zemrat e etërve te bijtë dhe zemrat e bijve tek etërit e tyre, në qoftë se unë nuk vij dhe e godas tokën me një mallkim.
Shpëtimtari i ringjallur ua përsërit popullit në Amerikë premtimin e Malakisë për Elijan, duke treguar rëndësinë e tij.
Engjëlli Moroni, duke i folur Joseph Smith-it
Vini re, unë do t’ju zbuloj Priftërinë, nëpërmjet dorës së Elija profetit, përpara ardhjes së ditës së madhe dhe të tmerrshme të Zotit. Dhe ai do të mbjellë në zemrat e fëmijëve premtimet e bëra etërve dhe zemrat e fëmijëve do të kthehen tek etërit e tyre. Nëse nuk do të ishte kështu, gjithë toka do të shkatërrohej tërësisht në ardhjen e tij.
Fjalët e Malakisë siç i tha Moroni: Elija do ta rivendoste autoritetin e priftërisë dhe do t’i mbillte në zemrat e fëmijëve premtimet e bëra etërve.
Joseph Smith, duke treguar fjalët e Moronit
Dhe përsëri ai e citoi vargun e pestë kështu: Vini re, unë do t’ju zbuloj Priftërinë, nga dora e Elijas, profetit, përpara ardhjes së ditës së madhe e të tmerrshme të Zotit. Ai gjithashtu citoi vargun pasues ndryshe: Dhe ai do të mbjellë në zemrat e fëmijëve premtimet e bëra etërve dhe zemrat e fëmijëve do të kthehen tek etërit e tyre. Në qoftë se nuk do të ishte kështu, e tërë toka do të shkatërrohej plotësisht në ardhjen e tij.
Rrëfimi i Joseph Smith-it për Moronin, që i citoi profecinë e Malakisë për Elijan në vitin 1823.
Elija, siç e shkruajtën Joseph Smith dhe Oliver Cowdery
Pasi ishte mbyllur ky vegim, një tjetër vegim i madh e i lavdishëm u derdh mbi ne; sepse Elija profeti, i cili ishte marrë në qiell pa shijuar vdekjen, qëndroi përpara nesh dhe tha: Vini re, ka ardhur plotësisht koha, që ishte folur nga goja e Malakias, duke dëshmuar që ai [Elija] do të dërgohej, përpara se dita e madhe dhe e tmerrshme e Zotit të vinte— Për t’i kthyer zemrat e etërve tek fëmijët dhe të fëmijëve tek etërit, përndryshe tërë toka do të goditej me një mallkim— Si rrjedhim, çelësat e kësaj periudhe të kujdestarisë jepen në duart tuaja; dhe me anë të kësaj ju mund të dini se dita e madhe dhe e tmerrshme e Zotit është pranë, madje te dyert.
Elija shfaqet në Tempullin e Kirtlandit në vitin 1836 dhe ua beson çelësat e kësaj pune Joseph Smith-it dhe Oliver Cowdery-t.
Zoti, nëpërmjet Joseph Smith-it
Si rrjedhim, hiqni dorë nga lufta e shpallni paqe dhe kërkoni me zell t’i ktheni zemrat e fëmijëve drejt etërve të tyre dhe zemrat e etërve drejt fëmijëve të tyre;
Zoti i udhëzon shenjtorët të punojnë me zell për t’i kthyer zemrat e fëmijëve dhe të etërve drejt njëri-tjetrit.
Joseph F. Smith, duke përshkruar vegimin e tij për të vdekurit
Profeti Elija do të mbillte në zemrat e fëmijëve premtimet e bërë etërve të tyre, Duke parashikuar veprën e madhe që do të bëhej në tempujt e Zotit në periudhën e plotësisë së kohëve, për shpëtimin e të vdekurve dhe vulosjen e fëmijëve me prindërit e tyre, përndryshe e gjithë toka do të goditej me një mallkim dhe do të shkatërrohej në ardhjen e tij.
Misioni i Elijas paralajmëroi punën në tempull për të vdekurit dhe vulosjen e fëmijëve me prindërit.
Askush nuk harrohet: vepra e Shpëtimtarit arrin në botën e shpirtrave.
Alma, duke i folur birit të tij Koriantonit
Tani, në lidhje me gjendjen e shpirtit midis vdekjes dhe ringjalljes—Vër re, mua m’u bë e ditur nga një engjëll që shpirtrat e të gjithë njerëzve, posa të largohen nga ky trup i vdekshëm, po, shpirtrat e të gjithë njerëzve, qofshin ata të mirë ose të ligj, çohen në shtëpi tek ai Perëndi që u dha atyre jetë. Dhe atëherë do të ndodhë që shpirtrat e atyre që janë të drejtë pranohen në një gjendje lumturie që quhet parajsë, një gjendje e pushimit, një gjendje e paqes, ku ata do të prehen nga të gjitha trazirat e tyre dhe nga të gjitha vuajtjet dhe brengat.
Alma mëson se shpirtrat jetojnë pas vdekjes dhe të drejtët hyjnë në një gjendje prehjeje që quhet parajsë.
Zoti, në një vegim dhënë Joseph Smith-it
Kështu erdhi zëri i Zotit tek unë, duke thënë: Të gjithë ata që vdiqën pa një dituri të këtij ungjilli, që do ta kishin pranuar atë, nëse do të ishin lejuar të qëndronin, do të jenë trashëgimtarë të mbretërisë çelestiale të Perëndisë; Gjithashtu ata që do të vdesin që tani e tutje pa dituri për të, të cilët do ta kishin pranuar atë me gjithë zemër, do të jenë trashëgimtarë të asaj mbretërie; Sepse unë, Zoti, do t’i gjykoj të gjithë njerëzit sipas punëve të tyre, sipas dëshirës së zemrave të tyre.
Ata që vdiqën pa e dëgjuar ungjillin, por do ta kishin pranuar, nuk mbeten jashtë; Perëndia gjykon sipas dëshirave të zemrës.
Joseph F. Smith, duke përshkruar vegimin e tij për të vdekurit
Ndërsa përsiatja për këto gjëra që janë shkruar, sytë e të kuptuarit tim u hapën dhe Shpirti i Zotit pushoi në mua e unë pashë ushtritë e të vdekurve, si të mëdhenj, edhe të vegjël.
Vegimi i Presidentit Joseph F. Smith për botën e shpirtrave në vitin 1918 nis ndërsa ai po meditonte mbi shkrimet e shenjta.
Joseph F. Smith, duke përshkruar vegimin e tij për të vdekurit
Por vini re, mes të drejtëve, ai organizoi forcat e tij dhe caktoi lajmëtarë, të veshur me fuqi e autoritet, dhe i urdhëroi ata të shkonin dhe ta çonin dritën e ungjillit tek ata që ishin në errësirë, madje të gjithë shpirtrave të njerëzve; dhe kështu iu predikua ungjilli të vdekurve.
Shpëtimtari i organizoi shpirtrat e drejtë që ta çonin ungjillin te të gjithë të vdekurit.
Joseph F. Smith, duke përshkruar vegimin e tij për të vdekurit
Kështu iu predikua ungjilli atyre që kishin vdekur në mëkatet e tyre, pa një dituri të së vërtetës ose të shkeljes, duke i mohuar profetët. Këtyre iu mësua besim në Perëndinë, pendim nga mëkati, pagëzimi mëkëmbës për heqjen e mëkateve, dhurata e Frymës së Shenjtë me anë të vënies së duarve, Dhe të gjitha parimet e tjera të ungjillit të cilat ishin të nevojshme për ta për t’i ditur, me qëllim që të cilësoheshin se mund të gjykoheshin sipas njerëzve në mish, por të jetonin sipas Perëndisë në shpirt.
Shpirtrave në botën e shpirtrave u mësohet ungjilli i plotë, përfshirë pagëzimin nëpërmjet mëkëmbësit.
Joseph F. Smith, duke përshkruar vegimin e tij për të vdekurit
Profeti Joseph Smith dhe ati i tij, Hyrum Smith-i, Brigham Young-u, John Taylor-i, Wilford Woodruff-i dhe të tjerë shpirtra të zgjedhur të cilët u ruajtën që të vinin në plotësinë e kohëve për të marrë pjesë në ngritjen e themeleve të veprës së madhe të ditëve të mëvonshme, Duke përfshirë ndërtimin e tempujve dhe kryerjen e ordinancave në ta për shëlbimin e të vdekurve, ishin gjithashtu në botën e shpirtrave.
Shpirtra të zgjedhur u ruajtën për të hedhur themelet e veprës së ditëve të mëvonshme, përfshirë tempujt dhe ordinancat për të vdekurit.
Joseph F. Smith, duke përshkruar vegimin e tij për të vdekurit
Unë vura re se pleqtë besnikë të kësaj periudhe, kur largohen nga jeta e vdekshme, i vazhdojnë punët e tyre për predikimin e ungjillit të pendimit dhe të shëlbimit, nëpërmjet sakrificës së Birit të Vetëmlindur të Perëndisë, mes atyre që janë në errësirë dhe nën robërinë e mëkatit në botën e madhe të shpirtrave të të vdekurve. Të vdekurit që pendohen, do të shëlbehen, nëpërmjet bindjes ndaj ordinancave të shtëpisë së Perëndisë, Dhe pasi e kanë paguar gjobën për shkeljet e tyre dhe janë pastruar, do të marrin një shpërblim sipas veprave të tyre, sepse ata janë trashëgimtarë të shpëtimit.
Besnikët vazhdojnë të japin mësim pas vdekjes, dhe të vdekurit që pendohen shëlbohen nëpërmjet ordinancave të tempullit.
Moisiu, duke shkruar vegimin e Enokut
Dhe të gjithë ata shpirtra që ishin në burg, erdhën e qëndruan në të djathtën e Perëndisë; dhe pjesa e mbetur mbetën të lidhur në zinxhirët e errësirës deri në gjykimin e ditës së madhe.
Në vegimin e Enokut, shpirtrat në burg dalin në të djathtën e Perëndisë në lidhje me veprën e Shpëtimtarit.
Pse i çojmë emrat e tyre në tempull.
Zoti, nëpërmjet Joseph Smith-it
Sepse nuk ka një vaskë pagëzimi mbi tokë, që ata, shenjtorët e mi, të mund të pagëzohen për ata që kanë vdekur— Sepse kjo ordinancë i përket shtëpisë sime dhe nuk mund të jetë e pranueshme nga unë, përveçse në ditët e varfërisë suaj, gjatë të cilave ju nuk jeni në gjendje të më ndërtoni një shtëpi.
Zoti shpall se pagëzimi për të vdekurit i përket tempullit të Tij.
Joseph Smith, në një letër drejtuar shenjtorëve
Ju mund të mendoni se ky rend i gjërave është shumë i veçantë; por më lejoni t’ju them se është vetëm që t’i përgjigjet vullnetit të Perëndisë, duke iu përshtatur ordinancës dhe përgatitjes që Zoti shuguroi dhe përgatiti përpara krijimit të botës, për shpëtimin e të vdekurve që do të vdisnin pa një njohje të ungjillit.
Shpëtimi për ata që vdiqën pa ungjillin u planifikua përpara se të krijohej bota.
Joseph Smith, në një letër drejtuar shenjtorëve
Dhe tani, vëllezërit dhe motrat e mia shumë të dashura, më lini t’ju siguroj se këto janë parime në lidhje me të vdekurit dhe të gjallët, të cilat nuk duhet të kalohen me lehtësi, përsa i përket shpëtimit tonë. Sepse shpëtimi i tyre është i nevojshëm dhe thelbësor për shpëtimin tonë, sikurse Pali tha lidhur me etërit—që ata pa ne nuk mund të bëhen të përsosur—as ne nuk mundemi, pa të vdekurit tanë, të bëhemi të përsosur.
Shpëtimi ynë dhe shpëtimi i paraardhësve tanë janë të lidhur së bashku; asnjëri nuk bëhet i përsosur pa tjetrin.
Ajo që lidhet dhe regjistrohet në tokë, lidhet dhe regjistrohet në qiell.
Zoti, nëpërmjet Joseph Smith-it
Dhe në të vërtetë, në të vërtetë, unë të them se çfarëdo që ti vulos në tokë, do të vuloset në qiell; dhe çfarëdo që ti lidh në tokë, në emrin tim dhe me anë të fjalës sime, thotë Zoti, do të jetë përjetësisht e lidhur në qiej; dhe mëkatet e kujtdo që ti i largon në tokë, do të largohen përjetësisht në qiej; dhe mëkatet e kujtdo që ti i mban në tokë, do të mbahen në qiell.
Zoti konfirmon se ajo që vuloset në tokë me autoritetin e Tij vuloset përjetësisht në qiell.
Zoti, në një letër të Joseph Smith-it
Në të vërtetë, kështu ju thotë Zoti lidhur me të vdekurit tuaj: Kur ndonjë prej jush pagëzohet për të vdekurit tuaj, duhet të ketë një regjistrues dhe ai duhet të jetë një dëshmitar okular i pagëzimeve tuaja; ai duhet të dëgjojë me veshët e tij, që të mund të dëshmojë për një të vërtetë, thotë Zoti. Që të gjitha regjistrimet tuaja të mund të shënohen në qiell; çfarëdo që lidhni në tokë, të mund të lidhet në qiell; çfarëdo që zgjidhni në tokë, të mund të zgjidhet në qiell;
Pagëzimet me mëkëmbës duhet të kenë dëshmitarë dhe të regjistrohen, që të regjistrohen edhe në qiell.
Joseph Smith, në një letër drejtuar shenjtorëve
Tani, natyra e kësaj ordinance përbën fuqinë e priftërisë, me anë të zbulesës së Jezu Krishtit, nëpërmjet së cilës jepet që çfarëdo që lidhni në tokë, do të lidhet në qiell dhe çfarëdo që zgjidhni në tokë, do të zgjidhet në qiell. Ose, me fjalë të tjera, duke e parë përkthimin nga një këndvështrim tjetër, çfarëdo që regjistroni në tokë, do të regjistrohet në qiell dhe çfarëdo që nuk e regjistroni në tokë, nuk do të regjistrohet në qiell; sepse nga librat do të gjykohen të vdekurit tuaj, sipas veprave të tyre, nëse ata vetë i kanë ndjekur ordinancat në vetë personin e tyre, ose nëpërmjet përfaqësuesve të tyre, në përputhje me ordinancën që Perëndia ka përgatitur për shpëtimin e tyre që përpara krijimit të botës, sipas analeve që ata kanë mbajtur lidhur me të vdekurit e tyre.
Ordinancat e regjistruara në tokë me autoritetin e priftërisë regjistrohen në qiell, qofshin të marra vetë ose nëpërmjet një mëkëmbësi.
Joseph Smith, në një letër drejtuar shenjtorëve
Disave mund t’iu duket si një doktrinë shumë e guximshme ajo për të cilën po flasim—një fuqi që regjistron ose lidh në tokë dhe lidh në qiell. Megjithatë, në të gjitha epokat e botës, kurdoherë që Zoti ia ka dhënë një kujdestari të priftërisë një njeriu ose një grupi njerëzish, me anë të zbulesës aktuale, kjo fuqi është dhënë gjithmonë. Që atëherë, çfarëdo që ata burra bënë me autoritet, në emër të Zotit, dhe e bënë me të vërtetë e me besnikëri dhe mbajtën një anal të përpiktë dhe besnik të saj, u bë një ligj në tokë e në qiell dhe nuk mund të anullohej, sipas dekreteve të Jehovës së madh. Kjo është një deklaratë plot besim. Kush mund ta dëgjojë?
Fuqia për të lidhur në tokë dhe në qiell është dhënë në çdo periudhë kujdestarie, dhe analet besnike e bëjnë punën të vlefshme.
Profetët kanë mbajtur gjithmonë gjenealogji.
Nefi
Dhe ndodhi që ati im, Lehi, gjeti gjithashtu në fletët e tunxhit një gjenealogji të etërve të tij; kështu që ai e dinte se ishte pasardhës i Jozefit; po, madje i të njëjtit Jozef që ishte biri i Jakobit që u shit në Egjipt, dhe që u ruajt nga dora e Zotit, që ai të mund të ruante atin e tij, Jakobin, dhe gjithë familjen e tij, që të mos mbaronin nga uria.
Lehi zbulon gjenealogjinë e tij në fletët prej bronzi dhe mëson se rrjedh nga Jozefi i Egjiptit.
Helamani, duke u folur bijve të tij
Vini re, bijtë e mi, unë dëshiroj që të mbani mend dhe të zbatoni urdhërimet e Perëndisë; dhe do të dëshiroja që ju t’ia shpallni popullit këto fjalë. Vini re, unë ju dhashë emrat e prindërve tanë të parë, që dolën nga toka e Jeruzalemit; dhe këtë gjë e bëra, që kur ju të kujtoni emrat tuaj, të mund të kujtoni ata; dhe kur t’i kujtoni ata, ju mund të kujtoni veprat e tyre; dhe kur t’i kujtoni veprat e tyre, ju mund të dini siç është thënë dhe gjithashtu shkruar, që ato qenë të mira.
Helamani u vuri bijve të tij emrat e paraardhësve të drejtë, që kujtimi i emrave të tyre t’ua kujtonte mirësinë e të parëve.
Moisiu
Tani këtë profeci Adami e tha, ndërsa u nxit nga Fryma e Shenjtë, dhe një gjenealogji u mbajt për fëmijët e Perëndisë. Dhe ky ishte libri i brezave të Adamit, duke thënë: Në ditën që Perëndia e krijoi njeriun, në ngjashmërinë e Perëndisë e bëri atë;
Që nga ditët e Adamit u mbajt një gjenealogji e fëmijëve të Perëndisë, anali i parë familjar i shkruar.
Abrahami
Por analet e etërve, madje të patriarkëve, lidhur me të drejtën e Priftërisë, Zoti, Perëndia im, i ruajti në duart e mia; si rrjedhim, një dituri për fillimin e krijimit dhe gjithashtu për planetët e yjet, sikurse iu ishte bërë e njohur etërve, e kam ruajtur madje në këtë ditë dhe do të përpiqem t’i shkruaj disa nga këto gjëra në këtë anal, për përfitimin e pasardhësve të mi që do të vijnë pas meje.
Abrahami i ruajti analet e etërve të tij dhe shkroi për të mirën e pasardhësve të tij.
Joseph Smith, në një letër drejtuar shenjtorëve
Unë mund të kisha dhënë një përkthim më të qartë të kësaj, por është mjaft e qartë për t’iu përshtatur qëllimit tim, sikurse është. Është e mjaftueshme të dimë, në këtë rast, se toka do të goditet me një mallkim, në qoftë se nuk ka një lidhje bashkëngjitëse të një lloji ose të një tjetri midis etërve dhe fëmijëve, për një çështje ose për një tjetër—dhe vini re, cila është kjo çështje? Është pagëzimi për të vdekurit. Sepse ne pa ta nuk mund të bëhemi të përsosur; as ata pa ne nuk mund të bëhen të përsosur. As ata, as ne nuk mund të bëhemi të përsosur pa ata që kanë vdekur në ungjill gjithashtu; sepse është e nevojshme në fillimin e periudhës së plotësisë së kohëve, periudhë e cila po fillon të hyjë tani, që një bashkim i plotë dhe i tërë, dhe i përsosur, dhe lidhja së bashku e periudhave të kujdestarisë dhe e çelësave, dhe e fuqive, dhe e lavdive të ndodhë dhe të zbulohet nga ditët e Adamit madje deri në kohën e tanishme. Dhe jo vetëm kjo, por ato gjëra që kurrë nuk janë zbuluar që nga krijimi i botës, por janë mbajtur të fshehta për të urtët dhe të mençurit, do t’u zbulohen foshnjave dhe të vegjëlve në këtë, periudhën e plotësisë së kohëve.
Puna për të vdekurit është “lidhja bashkëngjitëse” që i bashkon brezat në një bashkim të përsosur.
Joseph Smith, në një letër drejtuar shenjtorëve
Vëllezër, a nuk do të vazhdojmë në një kauzë kaq të madhe? Ecni përpara dhe jo prapa. Kurajo, vëllezër; dhe përpara, përpara drejt fitores! Zemrat tuaja duhet të ngazëllehen dhe të jenë tepër të gëzuara. Toka duhet të shpërthejë në këngë. Të vdekurit duhet t’i thonë këngë përlëvdimi të përjetshëm mbretit Emanuel, që ka shuguruar, përpara se bota të ishte, atë që do të na bëjë të aftë për t’i shëlbyer ata nga burgu i tyre; sepse të burgosurit do të lirohen.
Thirrja plot gëzim e Joseph Smith-it për të ecur përpara në shëlbimin e të vdekurve, sepse të burgosurit do të lirohen.
Joseph Smith, në një letër drejtuar shenjtorëve
Vini re, dita e madhe e Zotit është pranë; dhe kush mund ta durojë ditën e ardhjes së tij dhe kush mund të qëndrojë më këmbë kur ai të shfaqet? Sepse ai është si zjarri i një shkrirësi dhe si sapuni i larësit; dhe ai do të ulet si një shkrirës e pastrues argjendi dhe do t’i pastrojë bijtë e Levit e do t’i rafinojë si arin dhe argjendin, që ata të mund t’i ofrojnë Zotit një blatim me drejtësi. Si rrjedhim, ne, si një kishë e si një popull dhe si Shenjtorë të Ditëve të Mëvonshme, le t’i ofrojmë Zotit një blatim me drejtësi; dhe le të paraqesim në tempullin e tij të shenjtë, kur të mbarohet, një libër që përmban analet e të vdekurve tanë, të cilët do të jenë të denjë për t’u pranuar plotësisht.
Shenjtorët ftohen të paraqesin në tempull një libër të denjë që përmban analet e të vdekurve të tyre.
Fjalime tema kryesore e të cilave është historia familjare, puna në tempull për paraardhësit tanë, fryma e Elijas dhe mbledhja e Izraelit në të dyja anët e velit, nga viti 1971 deri në tetor 2026. Përmbledhjet janë tonat; lexojeni secilin fjalim të plotë te lidhja.
18 nga 18 fjalime
Nga Plaku Gerit W. Gong, · Kuorumi i Dymbëdhjetë Apostujve · tetor 2026
Plaku Gong jep mësim për themelet doktrinore të adhurimit në tempull dhe i fton anëtarët të ndërtojnë një kulturë personale të tempullit, përfshirë çuarjen e emrave të familjes në tempull për të bekuar të dashurit e vdekur. Tema kryesore është adhurimi në tempull; historia familjare është një pjesë e saj.
Nga Plaku Kuentin L. Kuk, · Kuorumi i Dymbëdhjetë Apostujve · prill 2026
Plaku Cook jep mësim për çelësat e priftërisë të rivendosur në Tempullin e Kirtlandit, sidomos për çelësat vulosës të Elijas, dhe si ato i bëjnë të mundura lidhjet e përjetshme familjare dhe ordinancat e vlefshme ndër breza.
Nga Plaku D. Tod Kristoferson, · Kuorumi i Dymbëdhjetë Apostujve · tetor 2023
Plaku Christofferson shpjegon autoritetin vulosës të rivendosur nga Elija, i cili i bën ordinancat e priftërisë të vlefshme në qiell, lejon punën nëpërmjet mëkëmbësve për paraardhësit dhe i bën të mundura familjet e përjetshme.
Nga Plaku Benjamin De Hojos, · I Shtatëdhjetë · prill 2023
Plaku De Hoyos mëson se puna në tempull dhe historia familjare janë një vepër e vetme në zemër të planit të Atit Qiellor për të bashkuar familjet, dhe i fton anëtarët të gjejnë paraardhësit e tyre dhe t’i çojnë emrat e tyre në tempull.
Nga Plaku Gerit W. Gong, · Kuorumi i Dymbëdhjetë Apostujve · prill 2022
Plaku Gong i fton të gjithë të zbulojnë historitë e tyre personale dhe familjare, duke mësuar se lidhja me paraardhësit nëpërmjet historisë familjare dhe ordinancave të tempullit na ndihmon të ndiejmë se i përkasim familjes së Perëndisë.
Nga Presidenti Henri B. Ajring, · Këshilltari i Dytë në Presidencën e Parë · prill 2020
Presidenti Eyring tregon si Zoti e ka përgatitur rrugën për veprën e Tij hap pas hapi, përfshirë mjete si FamilySearch, dhe dëshmon se fryma e Elijas po i kthen zemrat ndër breza.
Nga Plaku Kuentin L. Kuk, · Kuorumi i Dymbëdhjetë Apostujve · prill 2019
Plaku Cook mëson se dashuria për fëmijët e Perëndisë na shtyn drejt punës misionare, punës në tempull dhe historisë familjare, dhe thekson ndryshimet e fundit në Kishë që mbështetin mbledhjen e Izraelit në të dyja anët e velit.
Nga Plaku Dejll G. Renland, · Kuorumi i Dymbëdhjetë Apostujve · prill 2018
Plaku Renlund mëson se historia familjare dhe puna në tempull jo vetëm vulosin, por edhe shërojnë, duke bekuar të gjallët bashkë me të vdekurit, dhe tregon rrëfime, përfshirë një nga vëllezërit Pratt, që e ilustrojnë këtë shërim.
Nga Plaku Kuentin L. Kuk, · Kuorumi i Dymbëdhjetë Apostujve · prill 2018
Plaku Cook i lidh tri përgjegjësi me çelësat e priftërisë të rivendosur në Tempullin e Kirtlandit (puna misionare, mbledhja dhe forcimi i anëtarëve, historia familjare dhe puna në tempull) dhe i paraqet si mënyra për t’u përgatitur për t’u takuar me Perëndinë.
Nga Presidenti Henri B. Ajring, · Këshilltari i Parë në Presidencën e Parë · prill 2017
Presidenti Eyring mëson se Ati Qiellor i mbledh fëmijët e Tij në familje dhe se dashuria që ndiejmë për paraardhësit, e bashkuar me historinë familjare dhe ordinancat e tempullit, e përmbush premtimin e Elijas dhe bekon të gjallët dhe të vdekurit.
Nga Plaku Kuentin L. Kuk · Kuorumi i Dymbëdhjetë Apostujve · prill 2016
Plaku Cook i fton anëtarët të përgatiten dhe ta shohin veten duke marrë bekimet e tempullit, dhe mëson se shërbimi në tempull i lidh familjet ndër breza, ndërsa anëtarët bëhen shpëtimtarë mbi malin e Sionit.
Nga Plaku Alan F. Paker, · I Shtatëdhjetë · tetor 2014
Plaku Packer mëson se historia familjare dhe puna në tempull i përkasin adhurimit tonë të rregullt personal dhe se mjetet moderne u lejojnë anëtarëve të çdo moshe dhe rrethane të marrin pjesë.
Nga Plaku Kuentin L. Kuk, · Kuorumi i Dymbëdhjetë Apostujve · prill 2014
Plaku Cook mëson se historia familjare dhe puna në tempull janë thelbësore për ekzaltimin e familjeve, vë në dukje si teknologjia e ka përshpejtuar punën dhe i fton sidomos të rinjtë të marrin pjesë.
Nga Plaku Uilliam R. Uolker, · I Shtatëdhjetë · prill 2014
Plaku Walker tregon kthimin në besim dhe sakrificat e stër-stërgjyshërve të tij pionierë dhe mëson se njohja e historive të besimit të paraardhësve tanë e forcon përkushtimin tonë ndaj ungjillit.
Nga Plaku Riçard G. Skot, · Kuorumi i Dymbëdhjetë Apostujve · tetor 2012
Plaku Scott mëson se ordinancat nëpërmjet mëkëmbësve u përgjigjen nevojave të atyre që vdiqën pa to dhe i nxit anëtarët të gjejnë emrat e paraardhësve të tyre, që të marrin bekimin e plotë si të kërkimit, ashtu edhe të shërbimit në tempull.
Dejvid A. Bednar · Kuorumi i Dymbëdhjetë Apostujve · tetor 2011
Plaku Bednar i fton të rinjtë të mësojnë për frymën e Elijas dhe ta ndiejnë atë, të përdorin aftësitë e tyre me teknologjinë për të gjetur paraardhës dhe për të kryer pagëzime për të vdekurit, dhe u premton mbrojtje atyre që e bëjnë këtë.
Henri B. Ajring, · Këshilltari i Dytë në Presidencën e Parë · tetor 2007
Presidenti Eyring përshkruan zakonin e tij të gjatë për të shkruar çdo ditë si e kishte parë dorën e Perëndisë në jetën e familjes së tij, dhe i fton dëgjuesit ta shënojnë dhe ta kujtojnë mirësinë e Zotit.
Gordon B. Hinkli · Kuorumi i Dymbëdhjetë Apostujve · prill 2004
Duke përdorur figurën e një peme, Plaku Nelson mëson se rrënjët tona shpirtërore dhe familjare e formojnë atë që jemi, dhe i nxit prindërit ta ndajnë trashëgiminë e familjes me fëmijët dhe nipërit e mbesat e tyre.
Artikuj nga Liahona, Ensign, New Era dhe Për Forcën e Rinisë për gjetjen, kujtimin dhe shërbimin ndaj paraardhësve tanë. Përmbledhjet janë tonat; lexojeni secilin të plotë në faqen e Kishës.
Për Forcën e Rinisë, korrik 2026
Një 18-vjeçar tregon si vendosi të qëndronte në tempullin e Lisbonës për të përfunduar pagëzimet për edhe dy paraardhës pas një sesioni të gjatë pune si mëkëmbës, dhe paqen që pasoi.
Këto faqe zyrtare rendisin gjithçka për këto tema dhe përditësohen nga Kisha.
Lista e vetë Kishës me fjalimet e konferencës së përgjithshme të shënuara me temën historia familjare, rreth 70 fjalime nga viti 1971 deri në 2023.
Lista e Kishës me fjalimet e konferencës së përgjithshme për punën në tempull, nga viti 1971 deri në tetor 2026, përfshirë fjalime për Elijan, shëlbimin e të vdekurve dhe ndërtimin e tempujve.
Përmbledhje zyrtare doktrinore e historisë familjare, me lidhje për një udhëzues studimi, shkrime të shenjta përkatëse, mesazhe të udhëheqësve, muzikë dhe video.
Shpjegim zyrtar i pagëzimit nëpërmjet mëkëmbësit, përfshirë faktin që çdo person në botën e shpirtrave zgjedh nëse do ta pranojë.
Përmbledhje zyrtare e tempujve si shtëpi të Zotit, ku merren besëlidhje dhe ordinanca.
Përmbledhje zyrtare e botës së shpirtrave pas vdekjes (parajsa dhe burgu i shpirtrave), ku të vdekurit presin ringjalljen.
Faqja kryesore e Kishës për historinë familjare, me udhëzime si të filloni, pyetje të shpeshta, burime për udhëheqësit dhe lidhje për FamilySearch dhe për caktimin e takimeve në tempull.
Udhëzues hap pas hapi për fillestarët: gjetja e një ndihmësi, krijimi i një llogarie, përdorimi i FamilySearch, shënimi i historive dhe indeksimi.
Ese historike për përpjekjet gjenealogjike të Kishës, nga mësimet e Joseph Smith-it deri te FamilySearch.
Ese historike për mënyrën si nisi pagëzimi nëpërmjet mëkëmbësve në vitin 1840 dhe si u zhvillua si ordinancë e tempullit.
Hyrja në Udhëzuesin tematik të shkrimeve të shenjta që rendit të gjitha referencat e shkrimeve për këtë temë (titulli i faqes është konfirmuar; lista e referencave shfaqet në shfletues).
Hyrja në Udhëzuesin për shkrimet e shenjta që përkufizon shpëtimin për të vdekurit, me referenca nga shkrimet (titulli i faqes është konfirmuar; referencat shfaqen në shfletues).
Koleksion zyrtar videosh të shkurtra nga profetët, apostujt dhe udhëheqës të tjerë për tempullin dhe historinë familjare.
Koleksion në Bibliotekën e Ungjillit me sesionin e Ditës së Zbulimit të Familjes 2026 me Plakun dhe Motrën Rasband.
Koleksion në Bibliotekën e Ungjillit me pjesë të zgjedhura dhe pamje të shkurtra nga Dita e Zbulimit të Familjes në RootsTech 2025 me Plakun dhe Motrën Andersen.
Faqja hyrëse e FamilySearch për ndërtimin e një peme, kërkimin e regjistrave, ruajtjen e kujtimeve dhe punën vullnetare.
Artikuj të FamilySearch të shkruar për anëtarët e Kishës, përfshirë përgatitjen për tempullin dhe përmbledhje të mësimeve të konferencës.
Konfirmon se FamilySearch ofrohet falas nga Kisha për të gjithë dhe shpjegon për çfarë nevojitet një llogari.
Faqja RootsTech e FamilySearch: konferenca vjetore e historisë familjare, me sesione falas në internet që mund t’i shikoni kurdo.
Filloni një pemë familjare, zbuloni si jeni të lidhur me emrat në kartat tuaja, ose bëni karta që i tregojnë anëtarit në tempull kush është secili person.
Lidhjet çojnë te churchofjesuschrist.org dhe familysearch.org. Kontrolluar për herë të fundit më . TempleKit është i pavarur: nuk është i lidhur me Kishën e Jezu Krishtit të Shenjtorëve të Ditëve të Mëvonshme dhe nuk është i miratuar prej saj; fjalimet, artikujt dhe videot i përkasin botuesit të tyre.
Figurat pranë fjalimeve, artikujve dhe videove janë imazhi i ndarjes i secilës faqe nga churchofjesuschrist.org (© Intellectual Reserve, Inc.), të shfaqura si parapamje të lidhjeve. Portretet pranë shkrimeve të shenjta janë në domenin publik, nëpërmjet Wikimedia Commons: Joseph Smith, portret që i atribuohet William Warner Major-it; Joseph F. Smith, fotografi në Relief Society Magazine, 1919; Detaj nga Predikimi në Mal, Carl Bloch, 1877; Shën Pjetri, Peter Paul Rubens, Museo del Prado; Shën Pali, Peter Paul Rubens, Museo del Prado; Isaia, Michelangelo, tavani i Kapelës Sistine; Shën Gjoni Ungjilltar në ishullin e Patmosit, Diego Velázquez.
