யாரும் மறக்கப்படுவதில்லை: இரட்சகரின் பணி ஆவி உலகம் வரை செல்கிறது.
இதோ மரணத்திற்கும் உயிர்த்தெழுதலுக்கும் இடையே ஆத்துமாவின் நிலையென்ன என்பதைக் குறித்து, இதோ, ஒரு தூதனால் எனக்குத் தெரிவிக்கப்பட்டிருக்கிறது. சகல மனுஷருடைய ஆவிகளும் இந்த அழிவுக்கேதுவான சரீரத்திலிருந்து வெளியே போனவுடனே, ஆம், நல்லவர்களோ, தீயவர்களோ சகல மனுஷருடைய ஆவிகளும் அவர்களுக்கு ஜீவன் தந்த தேவனிடத்துக்கு எடுத்துக் கொள்ளப்படும். நீதிமான்களின் ஆவிகள் பரதீசு என்றும், இளைப்பாறும் நிலையென்றும், சமாதான நிலையென்றும் அழைக்கப்படுகிற மகிழ்ச்சி நிலையினுள் எடுத்துக் கொள்ளப்படுவார்கள். அங்கே அவர்கள் தங்களின் சகல பிரச்சினைகளிலிருந்தும், சகல தேவைகளிலிருந்தும், துன்பங்களிலிருந்தும் இளைப்பாறுவார்கள்.
மரணத்திற்குப் பிறகும் ஆவிகள் வாழ்கின்றன என்றும், நீதிமான்கள் பரதீசு என்னும் இளைப்பாறுதலின் நிலைக்குள் பிரவேசிக்கிறார்கள் என்றும் ஆல்மா போதிக்கிறான்.
அப்படியாக கர்த்தரின் சத்தம் என்னிடம் வந்து: இந்த சுவிசேஷத்தை அறியாமல் மரித்த யாவரும், தங்குவதற்கு அவர்கள் அனுமதிக்கப்பட்டிருந்தால் அதைப் பெற்றிருந்திருப்பார்கள் என்றால், தேவனின் சிலஸ்டியல் ராஜ்யத்தின் சந்ததிகளாயிருப்பார்கள் என சொல்லியது; தங்களுடைய முழு இருதயங்களோடும் அதை ஏற்றுக் கொண்டிருக்கக் கூடியவர்கள் இப்போதிலிருந்து அதுபற்றி அறியாமல் மரிக்கப் போகிறவர்கள் யாவரும் அந்த ராஜ்யத்தின் சந்ததிகளாவார்கள், ஏனெனில், அவர்களுடைய கிரியைகளின் படியும், அவர்களுடைய இருதயங்களின் வாஞ்சைகளின் படியும் கர்த்தராகிய நான் எல்லா மனுஷர்களையும் நியாயந்தீர்ப்பேன்.
சுவிசேஷத்தைக் கேட்காமல் மரித்து, ஆனால் கேட்டிருந்தால் ஏற்றுக்கொண்டிருப்பவர்கள் விலக்கப்படுவதில்லை; தேவன் இருதயத்தின் வாஞ்சைகளின்படி நியாயந்தீர்க்கிறார்.
எழுதப்பட்ட இந்தக் காரியங்களைக் குறித்து நான் சிந்தித்துக் கொண்டிருந்தபோது, என்னுடைய புரிந்து கொள்ளுதலின் கண்கள் திறக்கப்பட்டு, கர்த்தரின் ஆவி என்மீது இறங்கியது, சிறியதும் பெரியதுமான மரித்தோரின் சேனைகளை நான் கண்டேன்.
வேதங்களைச் சிந்தித்துக்கொண்டிருந்தபோது, ஆவி உலகத்தைப் பற்றிய தலைவர் ஜோசப் எப். ஸ்மித்தின் 1918 தரிசனம் தொடங்குகிறது.
ஆனால் இதோ, நீதிமான்களுக்கு மத்தியிலே அவருடைய பராக்கிரமங்களை நிர்வகித்து, தூதர்களை நியமித்து, அவர் தன் சேனைகளை ஒழுங்குபடுத்தி தூதர்களை நியமித்து வல்லமையுடனும் அதிகாரத்தினுடனும் வஸ்திரம் தரிப்பித்து அந்தகாரத்திலிருப்பவர்களுக்கும், மனுஷர்களின் சகல ஆவிகளுக்கும் சுவிசேஷத்தின் ஒளியை எடுத்துப் போகுமாறு அவர்களுக்குக் கட்டளையிட்டார்; அப்படியாக மரித்தவர்களுக்கு சுவிசேஷம் பிரசங்கிக்கப்பட்டது.
மரித்தவர்கள் அனைவருக்கும் சுவிசேஷத்தைக் கொண்டுசெல்ல இரட்சகர் நீதியுள்ள ஆவிகளை ஒழுங்குபடுத்தினார்.
அப்படியாக, சத்தியத்தின் அறிவில்லாமல், அல்லது மீறுதலில் தீர்க்கதரிசிகளை நிராகரித்து தங்களுடைய பாவங்களில் மரித்தவர்களுக்கு சுவிசேஷம் பிரசங்கிக்கப்பட்டது. தேவனில் விசுவாசம், பாவத்திலிருந்து மனந்திரும்புதல், பாவங்களின் மீட்பிற்காக பதிலி ஞானஸ்நானம், கைகள் வைக்கப்படுவதால் பரிசுத்த ஆவியின் வரம் இவற்றாலும், மனுஷர் முன்பாக மாம்சத்திலே நியாயந்தீர்க்கப்பட்டிருந்தும், தேவன் முன்பாக ஆவியிலே பிழைக்கும்படியாக அவர்கள் தகுதியுள்ளவர்களாகும்படியாக அறிந்துகொள்ள அவசியமான பிற எல்லா சுவிசேஷக் கொள்கைகளும் அவர்களுக்கு போதிக்கப்பட்டன.
ஆவி உலகத்தில் உள்ள ஆவிகளுக்கு, பதிலி ஞானஸ்நானம் உட்பட முழுச் சுவிசேஷமும் போதிக்கப்படுகிறது.
தீர்க்கதரிசி ஜோசப் ஸ்மித்தும், என்னுடைய தகப்பனாகிய ஹைரம் ஸ்மித்தும், பிரிகாம் யங்கும், ஜான் டெய்லரும், வில்பர்ட் உட்ரப்பும், ஆலயங்களைக் கட்டுவதையும், அங்கே மரித்தவர்களின் மீட்பிற்காக நியமங்களைச் செய்வதையும் சேர்த்து, பிற்காலத்தின் மகத்தான பணிக்கு அஸ்திவாரங்களைப் போடுவதில் பங்கேற்க காலங்களின் நிறைவேறுதலில் வெளியேவர காத்துக்கொண்டிருக்கிற, பிற தெரிந்தெடுக்கப்பட்ட ஆவிகளும், ஆவி உலகத்திலிருந்தார்கள்.
ஆலயங்கள், மரித்தவர்களுக்கான நியமங்கள் உட்பட, பிற்காலப் பணியின் அஸ்திபாரங்களை இட, தெரிந்தெடுக்கப்பட்ட ஆவிகள் ஒதுக்கி வைக்கப்பட்டனர்.
அவர்கள் அநித்திய ஜீவியத்திலிருந்து புறப்பட்டபோது இந்த ஊழியக்காலத்தின் உண்மையுள்ள மூப்பர்கள், மரித்த ஆவிகளின் மகா உலகத்தில் அந்தகாரத்திலும் பாவத்தின் அடிமைத்தனத்தின் கீழுமிருக்கிறவர்களுக்கு மத்தியில் ஒரேபேறான தேவ குமாரனின் பலியின் மூலமாக மனந்திரும்புதல் மற்றும் மீட்பின் சுவிசேஷத்தைப் பிரசங்கிப்பதில் தங்களுடைய பிரயாசத்தைத் தொடர்ந்ததை நான் கண்டேன். தேவனின் ஆலயத்தின் நியமங்களுக்குக் கீழ்ப்படிதலின் மூலமாக, மனந்திரும்பிய மரித்தவர்கள் மீட்கப்படுவார்கள், தங்களுடைய மீறுதல்களுக்காக அவர்கள் கிரயம் செலுத்தி, சுத்தமாகக் கழுவப்பட்ட பின்பு, அவர்கள் இரட்சிப்பின் சந்ததிகளாயிருப்பதால் அவர்களின் கிரியைகளுக்குத் தக்கதாய் ஒரு பலனைப் பெறுவார்கள்.
விசுவாசமுள்ளவர்கள் மரணத்திற்குப் பிறகும் போதித்துக்கொண்டே இருக்கிறார்கள்; மனந்திரும்பும் மரித்தவர்கள் ஆலய நியமங்கள் மூலம் மீட்கப்படுகிறார்கள்.
வி.மு.மோசே 7:57ஏனோக்கின் தரிசனத்தைப் பதிவு செய்து மோசே
சிறைச்சாலையிலேயிருந்த அநேக ஆவிகள் வெளியே வந்து தேவனின் வலது பாரிசத்தில் நின்றுகொண்டிருந்தார்கள்; மகத்தான நாளின் நியாயத்தீர்ப்புவரை மீதியானோர் அந்தகாரத்தின் சங்கிலிகளால் பிணைக்கப்பட்டிருந்தார்கள்.
ஏனோக்கின் தரிசனத்தில், இரட்சகரின் பணியோடு தொடர்புடையதாக, சிறையிலுள்ள ஆவிகள் தேவனின் வலதுபாரிசத்திற்கு வெளியே வருகின்றன.
