Ihe mere anyị ji eme akụkọ ihe mere eme nke ezinụlọ

3 Nifaị 25:5–6

Jizọs Kraịst, na-ekwughachi okwu Malakaị nye ndị Nifaị

Lee, a ga m ezitara unu Elaịja onye-amụma ahụ tutu ọbịbịa nke nnukwu ụbọchị ahụ dị egwu nke Onye-nwe; Ma ọ ga-atụgharị obi nke ndị nna nye ndị bụ ụmụ, na obi nke ndị bụ ụmụ nye ndị nna ha, ka m wee ghara ịbịa ma jiri ọbụbụ-ọnụ tie ụwa otiti ihe.

Onye Nzọpụta bilitere n’ọnwụ kwughachiri nkwa Malakaị banyere Elaịja nye ndị nọ n’America, na-egosi mkpa ya dị.

Lee, a ga m ekpughe nye unu Ọkwa Nchụ-aja ahụ, site n’aka nke Elaịja onye-amụma, tutu ọbịbịa nke nnukwu ụbọchị ahụ dị egwu nke Onye-nwe. Ma ọ ga-akụnye n’ime obi ndị bụ ụmụ nkwa nile e kwere ndị nna ha, ma obi ndị bụ ụmụ ga-atụgharịkwute ndị bụ nna ha. Asị na ọ bụghị otu a, ụwa nile ga-abụ ihe lara n’iyi n’ọbịbịa nke Onye-nwe.

Otu Moronaị si kwuo okwu Malakaị: Elaịja ga-eweghachi ikike ọkwa nchụaja ma kụnye nkwa e kwere ndị nna n’obi ụmụ.

Akụkọ—Joseph Smith 1:38–39

Joseph Smith, na-akọ okwu Moronaị

Ọzọ kwa, o n̄omiri ama-okwu nke ise otu a: Lee, aga m ekpughere unu Ọkwa Nchụ-aja ahụ, site n’aka nke Elaija onye-amụma, tutu ọbịbịa nke nnukwu ụbọchị ahụ dị egwu nke Onye-nwe. O n̄omikwara ama-okwu nke na-eso n’ụzọ dị iche: Ọ ga-akụnye kwa n’ime obi nile nke ndị bụ ụmụ nkwa nile ahụ e kwere ndị bụ nna ha, na obi nile nke ndị bụ ụmụ ga-atụgharị kwute ndị bụ nna ha. Asị ma-ọbụghị ọtụ ahụ, ụwa nile ka a ga-ala n’iyi kpam kpam n’ọbịbịa ya.

Akụkọ Joseph Smith banyere Moronaị na-ekwughachi amụma Malakaị banyere Elaịja nye ya na 1823.

Mgbe emechiri ọhụ nke a, nnukwu ọhụ ọzọ dị ebube kpughepuru n’iru anyị; n’ihi na Elaịja onye-amụma ahụ, nke ewelara n’elu-igwe n’edetugh ọnwụ ire, guzoro n’iru anyị, na-asi: Lee, oge ahụ abịawo n’uju ya, nke e kwuru maka ya site n’ọnụ nke Malakaị—n’agba-ama na ya (Elaịja) ka a ga-ezipụta, tutu ụbọchị ahụ dị ukwuu na dị egwu nke Onye-nwe abịa— Ịtụgharị obi nile nke ndị bụ nna nye ụmụ ha, na ndị ụmụ nye nna ha, ka ụwa nile ghara ibu ihe e jiri ọbụbụ-ọnụ gburie— Ya mere, ọtụghe-ụzọ nile nke ọgbọ nke a ka e nyefere n’aka unu abụọ; na site na nkea unu ga-ama na ụbọchị ukwu ahụ dị-egwu nke Onye-nwe dịkwa nso, ọbuna n’ọnụ ụzọ nile.

Elaịja pụtara na Temple Kirtland na 1836 ma nyefee Joseph Smith na Oliver Cowdery ọtụghe-ụzọ nke ọrụ a.

Ozizi na Ọgbụgba-ndụ nile 98:16

Onye-nwe, site n’ọnụ Joseph Smith

Ya mere, katọọ agha ma maa-ọkwa udo, ma chọọ n’ịrụsi ọrụ ike ịtụgharị obi nile nke ụmụ nye ndị nna ha nile, na obi nile nke ndị nna nye ụmụ ha;

Onye-nwe nyere Ndị nsọ ntụziaka ka ha jiri ịnụ ọkụ n’obi rụọ ọrụ ime ka obi ụmụ na ndị nna chigharịkwuru ibe ha.

Ozizi na Ọgbụgba-ndụ nile 138:47–48

Joseph F. Smith, na-akọwa ọhụ ya banyere ndị nwụrụ anwụ

Onye-amụma Elaịja ga-akụnye n’ime obi ndị bụ ụmụ nkwa nile e kwere ndị nna ha nile; Bụrụ onyinyoo bu ụzọ nye oke ọrụ ahụ nke a ga-arụ n’ime temple nile nke Onye-nwe n’ime ọgbọ ozuzụ oge nile akara aka, n’ihi mgbapụta nke ndị nwụrụ anwụ na nrachi nke ndị bụ ụmụ nye ndị nile mụrụ ha, a sị ma-ọbụghị otu a, ụwa nile ka a ga-eji nkọcha mekpaa arụ na laa n’iyi na-ọbịbịa ya.

Ozi Elaịja bụ onyinyo nke ọrụ temple maka ndị nwụrụ anwụ na nrachi nke ụmụ nye nne na nna ha.

Ugbua, gbasara ọnọdụ nke mkpụrụ-obi ahụ n’etiti ọnwụ na mbilite n’ọnwụ—Lee, e mewo ka m mata ya site na mụọ-ozi, na mụọ nile nke mmadụ nile, otu oge ahụ ha pụrụ site na arụ a na-anwụ anwụ, e, mụọ nile nke mmadụ nile, ma ha bụ ndị ọma ma-ọbụ ndị ọjọọ, a na-ewela ha ụlọ nye Chineke ahụ onye nyere ha ndụ. Ma mgbe ahụ ka ọ ga-eru, na mụọ nile nke ndị ahụ mere ezi-omume a ga-anabata ha n’ọnọdụ an̄ụrị, nke a na-akpọ paradaịs, ọnọdụ nke ezumike, ọnọdụ nke udo, ebe ha ga ezu ike site na nsogbu ha nile na nchekasị nile, na mwute.

Alma kụziri na mmụọ na-adị ndụ mgbe ọnwụ gasịrị, ndị ezi omume na-abakwa n’ọnọdụ izu ike a na-akpọ paradaịs.

Ozizi na Ọgbụgba-ndụ nile 137:7–9

Onye-nwe, n’ọhụ e gosiri Joseph Smith

Otu a ka olu-okwu nke Onye-nwe bịakwutere m na-asị: Ka ha ra bụ ndị nwụworo na-amaghị maka ozi-ọma nke a, ndị gaara anata ya ma ọbụrụ na ekwere ka ha nọgide, ga-abụ ndị nketa òkè nke ala-eze selestịal nke Chineke; Otu aka ahụ kwa ka ha ra bụ ndị ga-anwụ site ugbu a gawa na-amataghị ya ndị gaara anata ya n’obi ha nile, ga-abụ ndị nketa òkè nke ala-eze ahụ; N’ihi na mụ bụ Onye-nwe, ga-ekpe mmadụ nile ikpe dịka ọrụ ha nile siri dị, dịka ọchịchọ nke obi ha nile siri dị.

A naghị achụpụ ndị nwụrụ n’anụghị ozi-ọma mana ndị ga-anabata ya; Chineke na-ekpe ikpe site n’ọchịchọ nke obi.

Ozizi na Ọgbụgba-ndụ nile 138:11

Joseph F. Smith, na-akọwa ọhụ ya banyere ndị nwụrụ anwụ

Mgbe m na-atụgharị uche n’elu ihe ndị a nile ndị e deworo, anya nile nke nghọta m wee meghee, na Mụọ nke Onye-nwe wee bịakwasị m, na m wee hụ igwe ndị nile nwụrụ-anwụ, ndị nta na ndị ukwu.

Ọhụ Onye-isi nduzi Joseph F. Smith hụrụ banyere ala mmụọ na 1918 malitere mgbe ọ na-atụgharị uche n’akwụkwọ nsọ.

Ozizi na Ọgbụgba-ndụ nile 138:30

Joseph F. Smith, na-akọwa ọhụ ya banyere ndị nwụrụ anwụ

Na lee, site n’etiti ndị ezi-omume, ka ọ haziri ndị ọrụ ya nile na rọpụta ndị oje-ozi ya nile, ndị yikwasịworo ike na ikike dịka uwe na kwado ha ịga n’iru na bugara ha ìhè nke ozi-ọma, bụ ndị nọworị n’ọchịchịrị, ọbụladị nye mụọ nile nke ndị mmadụ, na site otua ka e si zisaa ozi-ọma nye ndị nwụrụ anwụ.

Onye Nzọpụta haziri mmụọ ndị ezi omume ka ha buru ozi-ọma gakwuru ndị nwụrụ anwụ niile.

Ozizi na Ọgbụgba-ndụ nile 138:32–34

Joseph F. Smith, na-akọwa ọhụ ya banyere ndị nwụrụ anwụ

Otua ka e si zisaa ozi-ọma nye ndị nwụwororị anwụ n’ime mmehie ha nile, na-enweghi mmata nke ezi-okwu, ma-ọbụ n’ime njehie, ebe ha jụrụ ndị amụma nile. Ndị a ka a kụziworo okwukwe na Chineke, nchegharị site na mmehie, baptism n’ọnọdụ onye ọzọ n’ihi nsachapụ nke mmehie nile, onyinye nke Mụọ Nsọ site na-ibịkwasị aka abụọ. Na ụkpụrụ nile ndị ọzọ nke ozi-ọma ndị dịworo mkpa ka ha mara iji wee tozue-oke nye onwe ha ka e wee kpee ha ikpe dịka ndị mmadụ n’anụ arụ, na ha adị ndụ dịka Chineke n’ime mụọ.

A na-akụziri mmụọ ndị nọ n’ala mmụọ ozi-ọma zuru ezu, gụnyere baptism n’ọnọdụ onye ọzọ.

Ozizi na Ọgbụgba-ndụ nile 138:53–54

Joseph F. Smith, na-akọwa ọhụ ya banyere ndị nwụrụ anwụ

Onye-amụma Joseph Smith, na nna m Hyrum Smith, Brigham Young, John Taylor, Wilford Woodruff, na ndị mụọ nile ọzọ a họrọ ahọ ndị e dobere ka ha pụta n’ozuzu oge nile akara aka, i so na-ịtọ ntọ-ala nile nke oke ọrụ ụbọchị-ikpeazụ. Tinyere iwu temple nile na ịrụ ọrụ emume-nsọ nile n’ime ha n’ihi mgbapụta nke ndị nwụrụ anwụ, nọkwa n’ime ala mụọ.

E debere mmụọ ndị a họọrọ ahọọ ka ha tọọ ntọala ọrụ ụbọchị ikpeazụ, gụnyere temple na emume nsọ maka ndị nwụrụ anwụ.

Ozizi na Ọgbụgba-ndụ nile 138:57–59

Joseph F. Smith, na-akọwa ọhụ ya banyere ndị nwụrụ anwụ

M wee hụ ndị okenye nile kwesịrị ntụkwasị obi nke ọgbọ nke a, mgbe ha na-ahapụ ndụ nke na-anwụ anwụ, na-aga n’iru n’ọrụ ha nile na-ikwusa ozi-ọma nke nchegharị na mgbapụta site n’aja ahụ nke Ọkpara ahụ Chineke Mụrụ Nanị ya chụrụ, n’etiti ndị ahụ bụ ndị nọ n’ọchịchịrị na ndị nọ n’oru nke mmehie n’ime oke ụwa ndị mụọ nile nke ndị nwụrụ anwụ. Ndị nwụrụ anwụ nke chegharịrị ka a ga-agbapụta site na nrube isi nye emume-nsọ nile nke ụlọ Chineke. Na mgbe ha kwụsịworo ụgwọ ntaram ahụhụ dịịrị njehie ha nile, na a sachaa ha ka ha dị ọcha, ha ga-enweta ụgwọ ọrụ dịka ọrụ ha nile siri dị, n’ihi na ha bụ ndị nketa oke nke nzọpụta.

Ndị kwesịrị ntụkwasị obi na-aga n’ihu na-akụzi ihe mgbe ha nwụchara, a na-agbapụtakwa ndị nwụrụ anwụ chegharịrị site n’emume nsọ temple.

Na ka ha ra bụ mụọ ahụ nile nọ n’ụlọ mkpọrọ wee pụta na wee guzo n’aka-nri nke Chineke; na ndị fọdụrụ ka e dobere n’ụdọ-igwe nile nke ọchịchịrị ruo n’ikpe nke nnukwu ụbọchị ahụ.

N’ọhụ Inọk, mmụọ ndị nọ n’ụlọ mkpọrọ pụtara gaa n’aka nri Chineke n’ihi ọrụ Onye Nzọpụta.

Ozizi na Ọgbụgba-ndụ nile 124:29–30

Onye-nwe, site n’ọnụ Joseph Smith

N’ihi enweghị ebe e wuru maka ime baptism n’ụwa, ka ha, ndị-nsọ m, nwee ike mee baptism maka ndị nwụrụ-anwụ— Maka emume-nsọ nke a bụ nke ụlọ m, na a gaghị m anabata ewezuga n’ụbọchị nke ogbenye unu, mgbe unu n’enweghi nke iwu ụlọ n’aha m.

Onye-nwe kwupụtara na baptism maka ndị nwụrụ anwụ kwesịrị ime n’ime temple Ya.

Ozizi na Ọgbụgba-ndụ nile 128:5

Joseph Smith, n’akwụkwọ ozi o degaara Ndị nsọ

Unu ga-eche usoro ihe nile nke a na ọ bụ ihe pụrụ iche; mana ka m gwa unu na ọ bụ nanị aziza nye uche nke Chineke, site na isonye usoro emume-nsọ na nkwado nke ahụ Onye-nwe kwadoro tutu a tọọ ntọ-ala nke ụwa, maka nzọpụta nke ndị nwụrụ-anwụ ndị ga-anwụ n’enweghị ọmụma ihe nke ozi-ọma.

E mere atụmatụ nzọpụta maka ndị nwụrụ na-enweghị ozi-ọma tupu e kee ụwa.

Ozizi na Ọgbụgba-ndụ nile 128:15

Joseph Smith, n’akwụkwọ ozi o degaara Ndị nsọ

Na ugbua, ụmụnne m nwoke m hụrụ n’anya na ụmụnne m nwanyị, ka m mesie obi unu ike n’ihe ndịa bụ ụkpụrụ nile gbasara ndị nwụrụ-anwụ na ndị dị ndụ nke n’agaghị akpọ ihe efu, dịka ihe metụtara nzọpụta anyị. N’ihi nzọpụta ha dị mkpa ma baa-uru nye nzọpụta nke anyị, dịka Pọl kwuru gbasara ndị nna-ochie—na ha, asị na anyị anọghị ya a gaghị—a bụ ndị e mere ka ha zuo-oke—ma-ọbụ anyị inwe-ike ma ndị anyị nwụrụ-anwụ anọghị ịbụ ndị a ga-eme ka anyị zuo-oke.

Nzọpụta anyị na nzọpụta ndị nna nna anyị jikọtara ọnụ; ọ dịghị nke n’ime ha ga-ezu oke na-enweghị nke ọzọ.

Ozizi na Ọgbụgba-ndụ nile 132:46

Onye-nwe, site n’ọnụ Joseph Smith

Na n’ezie, n’ezie asị m gị, na ihe ọbụla ị rachiri n’elu ụwa, ka aga arachi n’ime elu-igwe, na ihe ọbụla i jikọrọ n’elu ụwa, n’aha m na site n’okwu m, Onye-nwe kwuru, a ga-ejikọ ya ebighi-ebi n’ime elu-igwe nile; na mmehie nile ọbụla ị gbaghaara n’elu ụwa, a ga-agbaghara ha ebighi-ebi n’elu-igwe nile, na mmehie nile ọbụla ị na-ejide n’elu ụwa, a ga-ejide ha n’elu-igwe.

Onye-nwe kwadoro na ihe e rachiri n’ụwa site n’ikike Ya ka e rachiri ruo ebighị ebi n’elu-igwe.

Ozizi na Ọgbụgba-ndụ nile 127:6–7

Onye-nwe, n’akwụkwọ ozi sitere n’aka Joseph Smith

N’ezie, otu a ka Onye-nwe kwuru nye unu gbasara ndị unu nwụrụ anwụ: Mgbe e mere onye ọbụla n’ime unu baptism maka ndị nwụrụ-anwụ unu, ka enwe onye na edekọta akụkọ, na ka ọ bụrụ onye aka-ebe na baptism nile unu; ka ọ nụrụ na nti ya nile, ka ọ gbaa-ama nke ezi-okwu, ka Onye-nwe kwuru; Ka n’akụkọ-edere ede ya nile bụrụ na-enwere ike-ide ya n’elu-igwe; ihe ọbụla unu kechiri n’ụwa, bụrụ ihe e kechiri n’elu-igwe, ihe ọbụla unu tọghere n’ụwa, bụrụ ihe a tọghere n’elu-igwe;

A ga-enwe ndị akaebe ma dekọọ baptism n’ọnọdụ onye ọzọ ka e dekọọkwa ha n’elu-igwe.

Ozizi na Ọgbụgba-ndụ nile 128:8

Joseph Smith, n’akwụkwọ ozi o degaara Ndị nsọ

Ugbụ a, ụdị emume-nsọ nke a jupụtara na ike nke ọkwa nchụ-aja site na mkpughe nke Jisus Kraịst, nke site na ya ekwere ka ihe ọbụla unu kechiri n’ụwa ga-abụ ihe e kechiri n’elu-igwe, na ihe ọbụla unu tọpụrụ n’ụwa ga-abụ ihe a tọpụrụ n’elu-igwe. Ma-ọbụ, n’okwu ndị ọzọ, na-ile ntụgharị asụsụ ahụ anya n’ụzọ ọzọ, ihe obụla unu dekoro n’ụwa ga-abụ ihe e dekọrọ n’elu-igwe, na ihe ọbụla unu n’edekọghị n’ụwa a gaghị edeko ya n’elu-igwe; n’ihi site n’akwụkwọ nile ka a ga-ekpe ndị nwụrụ-anwụ unu ikpe, dịka ọrụ nke ha nile siri dị, na ha na onwe ha meworo emume-nsọ nile n’onwe ha, ma-ọbụ site n’aka ndị nke ha nọchitara anya ha, dịka emume-nsọ ahụ siri dị bụ nke Chineke kwadoro maka nzọpụta ha site na tutu atọọ ntọ-ala nke ụwa, dịka akụkọ-ndekọta nile nke ha dotara gbasara ndị ha nwụrụ-anwụ.

Emume nsọ e dekọrọ n’ụwa site n’ikike ọkwa nchụaja ka e dekọrọ n’elu-igwe, ma e nwetara ha n’onwe ma ọ bụ n’ọnọdụ onye ọzọ.

Ozizi na Ọgbụgba-ndụ nile 128:9

Joseph Smith, n’akwụkwọ ozi o degaara Ndị nsọ

Ọ ga-adị nye ndị ụfọdụ na ọ bụ ozizi n’enweghi-egwu ka anyị na-ekwu maka ya, ike nke na-edekọta akụkọ ma-ọbụ kechie n’ụwa na kechie n’elu-igwe. Otu o sila dị, n’oge nile nke ụwa, mgbe ọbụla Onye-nwe nyeworo ogbo a kara-aka nke ọkwa nchụ-aja n’aka otu nwoke site na mkpughe n’ezie, ma-ọbụ otu ndị nwoke ọbụla, ike a ka a na enyekwa. Ya mere, ihe ọbụla ndị ahụ mere n’ikike, n’aha nke Onye-nwe, na mee ya n’ezie na n’okwukwe, na dote ezi akụkọ-ndekọta kwesịrị ntụkwasị-obi nke ya a buworịị iwu n’ụwa na n’elu-igwe, na o nweghị kwa nhichapụ, dịka iwu-ọkụ nile nke Jehova ukwu ahụ. Nke a bụ okwu kwesịrị ntụkwasị-obi. Onye pụrụ ịnụ ya?

E nyela ike ikechi n’ụwa na n’elu-igwe n’ọgbọ ọ bụla, ndekọ kwesịrị ntụkwasị obi na-emekwa ka ọrụ ahụ dị ire.

Ma o wee ruo na nna m, Lihaị, chọpụtakwara n’elu epekele bras ahụ akụkọ-agbụrụ nna ya ha; ya mere, ọ matara na ya si na agbụrụ nke Josef: e, ọbụna Josef onye bụ nwa Jekọb, nke erepụrụ n’ala Ijipt, na onye, aka nke Onye-nwe chekwara, ka o wee nwe ike ichekwa nna ya, Jekọb, na ezi na ụlọ ya, site n’ịla n’iyi nke ụnwụ.

Lihaị chọtara agbụrụ ya na mpempe ọla ahụ ma mata na o si n’agbụrụ Josef nke Ijipt.

Lee, ụmụ m nwoke, a chọrọ m ka unu cheta idebe iwu-nsọ nile nke Chineke, ma ọ ga-adị m mma ka unu kwupụtara ndị ahụ okwu ndị a. Lee, e nyewo m unu aha nile nke ndị nne na nna mbụ anyị ndị sitere nʼala nke Jerusalem pụta; ma nke a ka m meworo ka ọ ga-abụ na mgbe unu chetara aha unu, unu ga-echeta ha; ma mgbe unu chetara ha, unu ga-echeta ọrụ ha nile; ma mgbe unu chetara ọrụ ha nile, unu ga-amata otu e siri kwuo, ma dee kwa, na ha bụ ndị dị mma.

Hilamen kpọrọ ụmụ ya ndị ikom aha ndị nna nna ezi omume ka icheta aha ha chetara ha ịdị mma nke ndị nna ha.

Ugbua amụma nke a ka Adam kwuru, dịka Mụọ Nsọ kpalitere ya, ma akwụkwọ agbụrụ nke ụmụ Chineke ka e dobere. Na nke a bụ akwụkwọ nke ọgbọ nile nke Adam, na-asị: N’ụbọchị ahụ nke Chineke kere mmadụ, n’oyiyi nke Chineke ka o mere ya;

Site n’oge Adam, e debere agbụrụ nke ụmụ Chineke, ndekọ ezinụlọ mbụ e dekọrọ.

Mana akụkọ nke ndị nna ha, ọbụna ndị-isi ezi na ụlọ, gbasara ịhe ruru onye nke Ọkwa N̄chụ-aja, Onye-nwe Chineke m chekwara ya n’ime aka nke mụ onwe m; ya mere mmata ihe nke mmalite nke okike, na kwa nke urukpu nile, na nke kpakpando nile, dịka ekpughere ha nye ndị nna ha, ka m debeworo ruo ụbọchị nke taa, na aga m agba mbọ ide ụfọdụ n’ihe ndị a n’elu akụkọ ndekọta nke a, maka ọdị-mma nke ụmụụmụ m nke ga-esochi m.

Ebreham chekwara ndekọ nke ndị nna ya ma dee ihe maka uru nke ụmụ ụmụ ya.

Ozizi na Ọgbụgba-ndụ nile 128:18

Joseph Smith, n’akwụkwọ ozi o degaara Ndị nsọ

Ọ ga-abụ na e nyewo m ntụgharị nke a nkọwa dịkarịrị mfe, mana ọ di mfe kwesịrị ebum n’uche m otu ọ dị. O zuru-oke ka a mara nke a na-aga e mekpa ụwa arụ jiri nkọcha ewezuga ma e nwere ihe njikọ ụdị ọbụla ma-ọbụ nke ọzọ n’etiti ndị nna na ụmụ ha, n’elu ụfọdụ isi-ọkwu ma-ọbụ ọzọ—ma lee gịnị bụ isi-ọkwu ahụ? Ọ bụ ime baptism maka ndị nwụrụ-anwụ. N’ihi anyị ma ha anọghi ya agaghị etozu-oke; ma-ọbụ ha nwere-ike ma anyị anọghị bụrụ ndị e mere ka ha zuo-oke. Ma-ọbụ ha nwere-ike ma-ọbụ anyị itozu-oke ma ndị ahụ nwụrụ-anwụ n’ime ozi-ọma anọghi ya kwa; n’ihi ọ dị mkpa na-ịkpọbata ọgbọ ozuzu oge nile akara aka, nke na-anabata ugbụ a, nke ahụ bụ otu na zuo-oke na njikọ tozuru-oke, na njikọ-otu-ebe nke ọgbọ a kara aka nile, na ọtụghe-ụzọ nile, na ike nile na ebube nile ga-adi, na ekpughere site n’ụbọchị nke Adam ọbụna rụọ n’oge ugbua. Na ọbụghị nani nke a, mana ihe ndị ahụ nile n’ekpugheghị site na ntọ-ala nke ụwa, mana e zoro ya, site na ndị amamihe na ndị na-akpachapụ-anya, ka a ga-ekpughe nye ụmụ ọhụrụ na ụmụ na-an̄ụ ara na nke a, ọgbọ ozuzu oge nile akara-aka.

Ọrụ maka ndị nwụrụ anwụ bụ “ihe njikọ” na-ejikọ ọgbọ niile ka ha bụrụ otu njikọ zuru oke.

Ozizi na Ọgbụgba-ndụ nile 128:22

Joseph Smith, n’akwụkwọ ozi o degaara Ndị nsọ

Ụmụnna m, anyị agaghị a ga-n’iru n’ihe kpatara ihe ukwu dị otu a? Gaa n’iru ọbụghị azụ, nwee nụ ume ụmụnne; gaa n’iru, n’iru ruo na-mmeri! Ka obi unu nile n̄ụrịa, na nwee nnukwu obi-ụtọ ka ụwa nile jupụta na mkpu nke ikwe ukwe. Ka ndị nwụrụ-anwụ kwepụta ukwe nile nke otuto ebighi-ebi nye Eze Imanuel, onye echiri-echichi, tutu ụwa a dị, nke ahụ nke ga-enyere anyị-aka i gbapụta ha site na ụlọ-mkpọrọ ha, n’ihi ndị mkpọrọ ga-enwere onwe ha.

Oku ọṅụ nke Joseph Smith ka a gaa n’ihu n’ịgbapụta ndị nwụrụ anwụ, n’ihi na ndị mkpọrọ ga-enwere onwe ha.

Ozizi na Ọgbụgba-ndụ nile 128:24

Joseph Smith, n’akwụkwọ ozi o degaara Ndị nsọ

Lee, nnukwu ụbọchị nke Onye-nwe dịkwa nso; na onye nwere ike ịnagide ụbọchị ọbibịa ya, na onye ga-eguzo mgbe ọ ga-apụta ìhè? N’ihi na ọ dịka ọkụ onye-mmezi-ọla, na dịka ncha onye-mmezi-akwa, na ọ ga-anọdụ dịka onye mmezi na onye-nsacha nke ọla-ọcha, na ọ ga-asacha ụmụ nwoke nile nke Livaị, na sachaa ha dịka ọla-edo na ọla-ọcha, ka ha wee nye Onye-nwe onyinye n’ezi-omume. Ya mere, ka anyị, dịka nzukọ-nsọ na otu ndị, na dịka Ndị-nsọ nke Ụbọchị-Ikpeazụ a, nye Onye-nwe onyinye n’ezi omume, na ka anyị nye na temple nsọ ya, mgbe ewusiri ya, akwụkwọ jikọrọ ndekọta nile nke ndị anyị nwụrụ anwụ, nke ga-etozu-oke nke nnabata nile.

A kpọrọ Ndị nsọ ka ha nye n’ime temple akwụkwọ kwesịrị ekwesị nwere ndekọ nke ndị ha nwụrụ anwụ.