Vim li cas peb thiaj ua keeb kwm tsev neeg

3 Nifais 25:5–6

Yexus Khetos, hais Malakis cov lus rau cov neeg Nifais

Saib seb, kuv yuav xa tus yaj saub Eliyas los rau nej ua ntej tus Tswv txoj kev los ntawm hnub tseem ceeb thiab txaus ntshai; Thiab nws yuav muab cov yawg koob lub siab tig mus rau cov me nyuam, thiab muab cov me nyuam lub siab tig mus rau cov yawg koob, yog tsis ua li ntawd kuv yuav los nplawm lub ntiaj teb nrog kev foom tsis zoo.

Tus Cawm Seej uas sawv rov los hais dua Malakis txoj kev cog lus txog Eliyas rau cov neeg hauv Asmeslikas, qhia tias nws tseem ceeb npaum li cas.

Saib seb, kuv yuav muab lub Pov Thawj Hwj ua tshwm sim los rau nej, los ntawm tus yaj saub Eliyas txhais tes, ua ntej tus Tswv hnub tseem ceeb thiab txaus ntshai yuav los. Thiab nws yuav muab tej lus cog tseg uas tau muab cog rau cov yawg koob lawm coj los cog rau hauv cov me nyuam lub siab, thiab cov me nyuam lub siab yuav tig mus rau lawv cov yawg koob. Yog hais tias tsis muaj li ntawd, ces tag nrho cov neeg ntiaj teb yuav raug puas tsuaj huv tib si mus thaum nws los.

Maulaunais cov lus ntawm Malakis: Eliyas yuav txum tim txoj cai pov thawj hwj thiab cog tej kev cog lus uas tau muab rau cov yawg koob rau hauv cov me nyuam lub siab.

Joseph Smith—Keeb Kwm 1:38–39

Joseph Smith, piav txog Maulaunais tej lus

Thiab ntxiv, nws hais nqe tsib li no: Saib seb, kuv yuav muab lub Pov Thawj Hwj qhia tshwm sim los rau nej, los ntawm tus yaj saub Eliyas txhais tes, ua ntej hnub tseem ceeb thiab txaus ntshai ntawm tus Tswv yuav los. Nws kuj hais nqe tom ntej txawv thiab: Thiab nws yuav muab tej lus cog tseg uas tau muab cog rau cov yawg koob lawm coj los cog rau hauv cov me nyuam lub siab, thiab cov me nyuam lub siab yuav tig mus rau lawv cov yawg koob. Yog hais tias tsis muaj li ntawd, ces tag nrho cov neeg ntiaj teb yuav raug puas tsuaj huv tib si mus thaum nws los.

Joseph Smith zaj piav txog Maulaunais hais Malakis zaj lus faj lem txog Eliyas rau nws xyoo 1823.

Tom qab txoj kev ua yog toog no tau xaus, muaj dua kev ua yog toog tseem ceeb thiab muaj yeeb koob nthuav los rau wb; vim tus yaj saub Eliyas, tus uas tus Tswv coj mus saum ntuj ceeb tsheej lawm es tsis tau saj txoj kev tuag, sawv ntawm wb xub ntiag, thiab hais tias: Saib seb, lub sij hawm tau los txhij tag lawm, uas Malakis lub qhov ncauj tau hais—ua tim khawv hais tias yuav xa [Eliyas] los, ua ntej hnub tseem ceeb thiab txaus ntshai heev ntawm tus Tswv yuav los— Kom muab cov yawg koob lub siab tig mus rau cov me nyuam, thiab cov me nyuam mus rau cov yawg koob, nyob tsam tag nrho neeg ntiaj teb yuav raug kev foom tsis zoo— Yog li ntawd, muab cov yawm sij ntawm lub caij nyoog tso txoj cai no cob rau hauv neb txhais tes; thiab los ntawm qhov no neb yuav paub hais tias twb yuav txog hnub tseem ceeb thiab txaus ntshai heev ntawm tus Tswv lawm, twb txog ntawm taw rooj.

Eliyas tshwm sim hauv Lub Tuam Tsev Kirtland xyoo 1836 thiab muab tej yawm sij ntawm txoj hauj lwm no rau Joseph Smith thiab Oliver Cowdery.

Lus Qhuab Qhia thiab Kev Khi Lus 98:16

Tus Tswv, los ntawm Joseph Smith

Yog li ntawd, cia li xyeej kev ua rog thiab tshaj tawm kev thaj yeeb, thiab rau siab nrhiav kev kom muab cov me nyuam lub siab tig mus rau lawv cov yawg koob, thiab cov yawg koob lub siab tig mus rau cov me nyuam;

Tus Tswv txib Cov Neeg Ntseeg kom rau siab ua hauj lwm tig cov me nyuam thiab cov txiv lub siab mus rau ib leeg.

Lus Qhuab Qhia thiab Kev Khi Lus 138:47–48

Joseph F. Smith, piav txog nws zaj yog toog pom txog cov tuag

Tus Yaj Saub Eliyas yog tus muab tej kev cog lus uas tau muab cog tseg rau lawv cov yawg koob coj los cog rau hauv cov me nyuam lub siab, Uas qhia ua ntej txog txoj hauj lwm tseem ceeb uas yuav ua nyob hauv tus Tswv cov tuam tsev nyob hauv lub caij nyoog tso txoj cai uas muaj txhij txhua, rau txoj kev txhiv cov tuag dim, thiab txoj kev muab cov me nyuam khi rau lawv niam thiab txiv, tsis li ces tag nrho neeg ntiaj teb yuav raug ib txoj kev foom tsis zoo thiab puas tsuaj huv tib si mus thaum nws los.

Eliyas txoj hauj lwm qhia ua ntej txog kev ua hauj lwm hauv tuam tsev rau cov tuag thiab kev khi cov me nyuam rau lawv niam thiab txiv.

Nim no, hais txog qhov uas tus ntsuj plig mus nyob rau qhov twg thaum nruab nrab ntawm txoj kev tuag thiab txoj kev sawv rov los—Saib seb, ib tug tim tswv tau ua rau kuv paub tias, tag nrho tib neeg tej ntsuj plig, tom qab kiag thaum lawv ncaim ntawm lub cev uas txawj ploj txawj tuag no, muaj tseeb tiag, tag nrho tib neeg tej ntsuj plig, txawm tias lawv zoo los sis phem, yuav tau mus tsev mus cuag Vajtswv tus uas muab txoj sia rau lawv. Thiab thaum ntawd yuav muaj tias, Vajtswv yuav txais tos cov uas ncaj ncees tej ntsuj plig mus nyob rau hauv ib qho chaw zoo siab, uas hu ua yeeb tsheej, ib qho chaw uas tau so, ib qho chaw uas muaj kev kaj siab lug, qhov chaw uas lawv yuav tau so ntawm tag nrho lawv tej teeb meem thiab tag nrho tej kev txhawj, thiab kev tu siab.

Ama qhia tias cov ntsuj plig tseem muaj sia nyob tom qab tuag, thiab cov neeg ncaj ncees nkag mus rau ib qho chaw so hu ua lub vaj kaj siab lug.

Lus Qhuab Qhia thiab Kev Khi Lus 137:7–9

Tus Tswv, nyob hauv ib zaj yog toog pom rau Joseph Smith

Tus Tswv lub suab los rau kuv li no, hais tias: Tag nrho cov uas tau tuag es tsis tau paub txog txoj moo zoo no, cov uas yeej yuav txais txoj moo zoo yog hais tias tau cia lawv muaj sia nyob, cov ntawd yuav tau Vajtswv lub nceeg vaj xilethi-aus los ua lawv tug; Thiab tag nrho cov uas tuag txij no mus es tsis tau paub txog txoj moo zoo, cov uas yeej yuav xav txais txoj moo zoo nrog tag nrho lawv lub siab, lawv yuav yog cov uas tau lub nceeg vaj ntawd ua lawv tug; Vim kuv, tus uas yog tus Tswv, yuav txiav txim rau neeg sawv daws raws li tej yam lawv ua, raws li tej kev xav tau ntawm lawv lub siab.

Cov uas tuag yam tsis tau hnov txoj moo zoo tiam sis yuav txais yog lawv hnov tsis raug kaw tawm; Vajtswv txiav txim raws li lub siab xav.

Lus Qhuab Qhia thiab Kev Khi Lus 138:11

Joseph F. Smith, piav txog nws zaj yog toog pom txog cov tuag

Thaum kuv xav txog tej yam uas tau muab sau cia no, ua rau lub qhov muag ntawm kuv txoj kev to taub qhib, thiab tus Tswv tus Ntsuj Plig los rau kuv, thiab kuv pom ib tsoom neeg ntawm cov tuag, tag nrho cov yau thiab cov hlob.

Thawj Tswj Hwm Joseph F. Smith zaj yog toog pom txog lub ntuj ntsuj plig xyoo 1918 pib thaum nws tab tom xav txog cov vaj lug kub.

Lus Qhuab Qhia thiab Kev Khi Lus 138:30

Joseph F. Smith, piav txog nws zaj yog toog pom txog cov tuag

Tiam sis saib seb, los ntawm cov neeg ncaj ncees, nws tau tsa nws pab neeg thiab txib tej tub xa xov, cov uas muaj hwj chim thiab muaj txoj cai, thiab tso cai kom lawv mus thiab coj txoj kev kaj ntawm txoj moo zoo mus rau lawv cov uas nyob hauv qhov tsaus ntuj, twb yog rau tag nrho cov ntsuj plig ntawm tib neeg; thiab yog li ntawd tau tshaj tawm txoj moo zoo mus rau cov tuag zoo li no.

Tus Cawm Seej tau teeb tsa cov ntsuj plig ncaj ncees kom coj txoj moo zoo mus rau tag nrho cov tuag.

Lus Qhuab Qhia thiab Kev Khi Lus 138:32–34

Joseph F. Smith, piav txog nws zaj yog toog pom txog cov tuag

Tau tshaj tawm txoj moo zoo zoo li no mus rau cov uas tuag thaum lawv tseem muaj kev txhaum, tsis tau paub qhov tseeb, los yog ua kev txhaum, vim lawv xyeej cov yaj saub. Tau qhia cov no txog txoj kev ntseeg Vajtswv, kev hloov siab lees txim rau tej kev txhaum, kev sawv lwm tus cev ua kev cai raus dej rau txoj kev zam txim rau tej kev txhaum, lub txiaj ntsim Vaj Ntsuj Plig Dawb Huv los ntawm kev tso tes saum taub hau, Thiab tag nrho lwm lub ntsiab cai ntawm txoj moo zoo uas lawv yuav tsum paub thiaj ua rau lawv tus kheej zoo txaus xwv kom lawv yuav raug txiav txim raws li tej neeg thaum muaj cev nqaij daim tawv, tiam sis ua neej raws li Vajtswv siab nyiam ntawm sab ntsuj plig.

Cov ntsuj plig hauv lub ntuj ntsuj plig raug qhia txoj moo zoo puv npo, suav nrog kev sawv lwm tus cev ua kev cai raus dej.

Lus Qhuab Qhia thiab Kev Khi Lus 138:53–54

Joseph F. Smith, piav txog nws zaj yog toog pom txog cov tuag

Tus Yaj Saub Joseph Smith, thiab kuv txiv, uas yog Hyrum Smith, Brigham Young, John Taylor, Wilford Woodruff, thiab lwm tus ntsuj plig uas tau tshwj tseg cia kom los yug rau lub caij nyoog uas muaj txhij txhua los koom tes hauv txoj kev teeb lub hauv paus ntawm txoj hauj lwm tseem ceeb hauv hnub nyoog kawg, Tsis hais kev txhim tsa tej tuam tsev thiab txoj kev ua kab ke nyob rau haud pub rau txoj kev txhiv cov tuag dim, kuj nyob hauv lub ntuj ntsuj plig thiab.

Cov ntsuj plig zoo kawg nkaus tau raug tseg cia los tsim lub hauv paus ntawm txoj hauj lwm hauv hnub nyoog kawg, suav nrog cov tuam tsev thiab cov kab ke rau cov tuag.

Lus Qhuab Qhia thiab Kev Khi Lus 138:57–59

Joseph F. Smith, piav txog nws zaj yog toog pom txog cov tuag

Kuv pom hais tias cov txwj laug uas rau siab ntseeg nyob rau lub caij nyoog tso txoj cai no, thaum lawv ncaim lub neej hauv ntiaj teb no mus, lawv ua lawv tej hauj lwm ntxiv mus tshaj tawm txoj moo zoo ntawm kev hloov siab lees txim thiab kev txhiv dim, los ntawm Vajtswv Tib Leeg Tub txoj kev txi, rau cov uas nyob hauv qhov tsaus ntuj thiab ua qhev rau kev txhaum nyob hauv lub ntuj loj ntawm cov tuag cov ntsuj plig. Cov tuag uas hloov siab lees txim yuav txais kev txhiv dim, los ntawm kev ua raws li cov kab ke hauv Vajtswv lub tsev, Thiab tom qab lawv tau raug txim rau lawv tej kev ua txhaum lawm, thiab tau ntxuav lawv huv lawm, lawv yuav txais nqi zog raws li tej yam lawv ua, vim lawv yog cov uas muaj tug txais txoj kev cawm seej.

Cov neeg muaj kev ntseeg txuas ntxiv qhia tom qab tuag, thiab cov tuag uas hloov siab lees txim yuav txais kev txhiv dim los ntawm cov kab ke hauv tuam tsev.

Thiab tag nrho cov ntsuj plig uas raug kaw tau tawm los, thiab sawv ntawm Vajtswv sab tes xis; thiab cov tseem tshuav raug khi saw hlau ntawm txoj kev tsaus ntuj tshwj cia kom txog hnub txiav txim tseem ceeb.

Hauv Enaus zaj yog toog pom, cov ntsuj plig hauv tsev kaw tawm los rau Vajtswv sab tes xis vim muaj Tus Cawm Seej txoj hauj lwm.

Lus Qhuab Qhia thiab Kev Khi Lus 124:29–30

Tus Tswv, los ntawm Joseph Smith

Vim twb tsis muaj ib lub dab ua kev cai raus dej nyob hauv lub ntiaj teb, xwv kom kuv haiv neeg ntseeg, lawv yuav ua tau kev cai raus dej rau cov uas tuag lawm— Vim yuav tsum ua txoj kab ke no nyob hauv kuv lub tsev, thiab tsis tsim nyog kuv txais yuav, tsuas yog lub sij hawm uas nej txom nyem xwb, uas nej thiaj li tsis muaj peev xwm txhim tsa tau ib lub tsev rau kuv.

Tus Tswv tshaj tawm tias kev cai raus dej rau cov tuag yuav tsum ua hauv Nws lub tuam tsev.

Lus Qhuab Qhia thiab Kev Khi Lus 128:5

Joseph Smith, nyob hauv ib tsab ntawv sau rau Cov Neeg Ntseeg

Nyaj nej yuav xav hais tias tus txheej txheem ua tej yam no nruj heev; tiam sis kuv qhia rau nej hais tias tsuas yog ua raws li Vajtswv lub siab nyiam xwb, los ntawm kev ua raws li txoj kab ke thiab kev npaj uas tus Tswv tau tsa thiab npaj ua ntej ntuj tsim teb raug, rau txoj kev cawm seej ntawm cov tuag lawm uas tsis tau paub txog txoj moo zoo.

Kev cawm seej rau cov uas tuag yam tsis paub txoj moo zoo tau npaj ua ntej ntuj tsim teb raug.

Lus Qhuab Qhia thiab Kev Khi Lus 128:15

Joseph Smith, nyob hauv ib tsab ntawv sau rau Cov Neeg Ntseeg

Thiab nim no, kuv cov kwv tij thiab cov muam uas kuv hlub, cia kuv hais tseeb rau nej tias tej no yog tej ntsiab cai ntsig txog cov tuag thiab cov ciaj uas hais txog peb txoj kev cawm seej, uas yeej tsis zoo yog nej saib tsis muaj qab hau. Vim yuav tsum muaj lawv txoj kev cawm seej thiaj li muaj peb txoj kev cawm seej, ib yam li Povlauj hais ntsig txog cov yawg koob—hais tias tsis muaj peev xwm ua kom lawv zoo tag nrho yog hais tias tsis muaj peb—thiab tsis muaj peev xwm ua kom peb zoo tag nrho yog hais tias tsis muaj peb cov tuag.

Peb txoj kev cawm seej thiab peb cov poj koob yawm txwv txoj kev cawm seej sib khi ua ke; tsis muaj ib qho twg zoo tag nrho yog tsis muaj lwm qhov.

Lus Qhuab Qhia thiab Kev Khi Lus 132:46

Tus Tswv, los ntawm Joseph Smith

Thiab kuv hais tseeb tseeb rau koj tias, txhua yam uas koj muab khi tseg cia hauv ntiaj teb ces yuav muab khi tseg cia saum ntuj ceeb tsheej; thiab txhua yam uas koj muab khi ua ke nyob hauv ntiaj teb no, los ntawm kuv lub npe thiab ntawm kuv txoj lus, tus Tswv hais li, ces yuav muab khi ua ke nyob mus ib txhis nyob rau saum ntuj ceeb tsheej; thiab txhua tus tej kev txhaum uas koj zam txim rau nyob hauv ntiaj teb ces yuav muab zam txim rau mus ib txhis nyob rau saum ntuj ceeb tsheej; thiab txhua tus tej kev txhaum uas koj suav nyob hauv ntiaj teb ces yuav muab suav nyob saum ntuj ceeb tsheej.

Tus Tswv lees tias yam uas muab khi rau hauv ntiaj teb los ntawm Nws txoj cai yuav raug khi mus ib txhis nyob saum ntuj ceeb tsheej.

Lus Qhuab Qhia thiab Kev Khi Lus 127:6–7

Tus Tswv, nyob hauv ib tsab ntawv ntawm Joseph Smith

Muaj tseeb tiag, tus Tswv hais li no rau nej ntsig txog nej cov neeg tuag lawm: Thaum nej leej twg ua kev cai raus dej rau nej cov neeg tuag lawm, yuav tsum muaj ib tug teev ntawv, thiab nws yuav tsum ua tim khawv pom kiag nej tej kev cai raus dej ntawd ntawm qhov muag; nws yuav tsum hnov los ntawm nws ob lub pob ntseg, kom nws yuav ua tim khawv tiag tiag, tus Tswv hais li; Kom tag nrho tej uas nej sau yuav muab sau cia nyob saum ntuj ceeb tsheej; txhua yam uas nej muab khi ua ke nyob hauv ntiaj teb no, yuav muab khi ua ke nyob saum ntuj ceeb tsheej; txhua yam uas nej muab daws nyob hauv ntiaj teb no, yuav muab daws nyob saum ntuj ceeb tsheej;

Kev cai raus dej sawv lwm tus cev yuav tsum muaj tim khawv thiab sau cia xwv kom nws kuj raug sau cia nyob saum ntuj ceeb tsheej.

Lus Qhuab Qhia thiab Kev Khi Lus 128:8

Joseph Smith, nyob hauv ib tsab ntawv sau rau Cov Neeg Ntseeg

Nim no, lub ntsiab ntawm txoj kab ke no yog los ntawm lub hwj chim ntawm lub pov thawj hwj, los ntawm txoj kev tshwm sim txog Yexus Khetos, es los ntawm lub hwj chim ntawd ces thiaj pub kom txhua yam uas nej muab khi ua ke nyob hauv ntiaj teb ces yuav muab khi ua ke nyob saum ntuj ceeb tsheej, thiab txhua yam uas nej muab daws nyob hauv ntiaj teb ces yuav muab daws nyob saum ntuj ceeb tsheej. Los yog hais tias, yog ho to taub cov lus txhais ntawd txawv, txhua yam uas nej muab sau cia nyob hauv ntiaj teb ces yuav muab sau cia nyob saum ntuj ceeb tsheej, thiab txhua yam uas nej tsis muab sau cia hauv ntiaj teb ces yuav tsis muab sau cia nyob saum ntuj ceeb tsheej; vim nej cov tuag yuav raug txiav txim raws li muaj nyob hauv tej phau ntawv, raws li tej yam uas lawv tus kheej ua, saib lawv tus kheej puas tau mus ua tej kab ke rau lawv tus kheej, los yog lawv tus sawv cev ua, raws li txoj kab ke uas Vajtswv tau npaj rau lawv txoj kev cawm seej txij thaum ua ntej ntuj tsim teb raug, raws li tej ceev xwm txheej uas lawv tau ceev ntsig txog lawv cov tuag.

Cov kab ke uas sau cia rau hauv ntiaj teb los ntawm txoj cai pov thawj hwj raug sau cia nyob saum ntuj ceeb tsheej, txawm yog txais tus kheej los yog los ntawm kev sawv lwm tus cev.

Lus Qhuab Qhia thiab Kev Khi Lus 128:9

Joseph Smith, nyob hauv ib tsab ntawv sau rau Cov Neeg Ntseeg

Tej zaum ib txhia xav tias qhov peb hais txog no yog cov lus qhuab qhia tawv heev—ib lub hwj chim uas muab sau cia los yog muab khi ua ke nyob hauv ntiaj teb thiab khi ua ke nyob saum ntuj ceeb tsheej. Txawm li ntawd los, nyob rau txhua lub caij nyoog tso txoj cai, thaum twg tus Tswv tau muab lub pov thawj hwj los ntawm kev tshwm sim tseeb los rau ib tug txiv neej los yog ib pab txiv neej twg nyob hauv ib lub caij nyoog, ces yeej ib txwm muab lub hwj chim no. Yog li ntawd, txhua yam uas cov txiv neej ntawd tau ua los ntawm txoj cai, los ntawm tus Tswv lub npe, thiab tau ua raws li txoj cai thiab raws nraim li kev cai, thiab tau ceev ib zaj ceev xwm txheej zoo thiab meej pem txog tej ntawd, ces yam ntawv tau hloov los ua ib txoj kev cai nyob hauv ntiaj teb thiab nyob saum ntuj ceeb tsheej, thiab muab tshem tsis tau, raws li tus tswv Yehauvas tej lus tshaj tawm. Tej no yog tej lus tseeb. Leej twg thiaj hnov?

Lub hwj chim khi rau hauv ntiaj teb thiab saum ntuj ceeb tsheej tau muab rau txhua lub caij nyoog tso txoj cai, thiab tej ceev xwm txheej uas sau raws nraim ua rau txoj hauj lwm ruaj khov.

Thiab tau muaj tias kuv txiv, Lihais, kuj tshawb pom tias nyob hauv cov phiaj toog ntawd muaj ib zaj keeb kwm qhia txog nws tej poj koob yawm txwv, yog li ntawd nws thiaj paub tias nws yog Yauxej ib tug xeeb ntxwv; muaj tseeb tiag, twb yog tus Yauxej uas yog Yakhauj tus tub, tus uas raug muab muag mus rau hauv teb chaws Iyiv, thiab yog tus uas tus Tswv txhais tes tau tsom kwm, xwv kom nws yuav tsom kwm tau nws txiv, Yakhauj, thiab tag nrho nws tsev neeg dim txoj kev tshaib kev nqhis.

Lihais pom nws keeb kwm caj ces hauv cov phaj tooj liab thiab kawm tias nws yog Yauxej hauv Iyi tus xeeb ntxwv.

Saib seb, kuv ob tug tub es, kuv thov kom neb yuav nco ntsoov ua raws li Vajtswv tej lus txib; thiab kuv xav kom neb qhia tej lus no rau cov neeg. Saib seb, kuv tau muab ob lub npe ntawm peb thawj cov yawg koob uas tau tawm tim thaj av Yeluxalees tuaj tis rau neb; thiab kuv tau ua li no xwv kom thaum neb nco txog neb ob lub npe neb yuav nco txog nkawd; thiab thaum neb nco txog nkawd neb yuav nco txog tej uas nkawd tau ua; thiab thaum neb nco txog tej uas nkawd tau ua neb yuav paub tias cov neeg tau hais tseg, thiab tau sau tseg tias, nkawd yeej ua zoo.

Hilamas tis nws cov tub npe raws cov poj koob yawm txwv ncaj ncees xwv thaum nco txog lawv cov npe yuav ua rau lawv nco txog lawv cov yawg koob txoj kev zoo.

Nim no qhov uas yuav muaj los yav tom ntej no los Adas hais, raws li tus Vaj Ntsuj Plig Dawb Huv tshoov nws, thiab tau ceev ib zaj caj ceg txog Vajtswv cov me nyuam. Thiab phau no yog phau ntawv xeeb ntxwv ntawm Adas, hais tias: Thaum Vajtswv tsim neeg, nws tsim zoo li nws tus yam ntxwv ntag;

Txij Adas lub sij hawm los, tau muaj ib zaj keeb kwm caj ces ntawm Vajtswv cov me nyuam khaws cia, thawj phau ntawv tsev neeg uas tau sau tseg.

Tiam sis tej ceev xwm txheej ntawm cov yawg koob, uas yog cov yawg suab, ntsig txog txoj cai muaj lub Pov Thawj Hwj, uas tus Tswv uas yog Vajtswv muab tshwj tseg rau hauv kuv tus kheej txhais tes; yog li ntawd ib txoj kev paub txog qhov chiv keeb ntawm txoj kev tsim, thiab txog cov ntiaj teb, thiab txog cov hnub qub, ib yam li tau muab qhia rau cov yawg koob, los kuv tau ceev los txog hnub no, thiab kuv yuav sim muab tej yam no ib txhia sau rau hauv cov ceev xwm txheej no, rau txoj kev pab kuv cov xeeb leej xeeb ntxwv uas yuav los tom qab kuv.

Aplahas tau khaws nws cov yawg koob tej ceev xwm txheej cia thiab sau rau nws cov xeeb leej xeeb ntxwv tau txiaj ntsig.

Lus Qhuab Qhia thiab Kev Khi Lus 128:18

Joseph Smith, nyob hauv ib tsab ntawv sau rau Cov Neeg Ntseeg

Tej zaum kuv txhais tau meej pem zog qhov no, tiam sis yeej meej pem txaus rau kuv lub hom phiaj lawm. Txaus rau peb paub hais tias, ziag no, ib txoj kev foom tsis zoo yuav nplawm lub ntiaj teb yog hais tias tsis muaj ib txoj kev twg los ham sib txuas cov txiv rau cov me nyuam, rau ib yam twg los yog lwm yam—thiab saib seb yam ntawd yog dab tsi? Yam ntawd twb yog txoj kev cai raus dej pub rau cov tuag. Vim tsis muaj peev xwm ua kom peb zoo tag nrho yog tsis muaj lawv; thiab tsis muaj peev xwm ua kom lawv zoo tag nrho yog tsis muaj peb. Thiab yuav tsis muaj peev xwm ua kom lawv thiab peb zoo tag nrho yog hais tias tsis muaj cov uas tau tuag thaum tseem ntseeg txoj moo zoo; vim yuav tsum muaj qhov no nyob hauv txoj kev nkag los ntawm lub caij nyoog tso txoj cai uas muaj txhij txhua, lub caij nyoog tso txoj cai uas nim no pib muaj, kom yuav muaj txoj kev sib txuas tau tag nrho thiab txhij txhua thiab zoo tag nrho, thiab kev muab tej caij nyoog tso txoj cai, thiab tej yawm sij, thiab tej lub hwj chim, thiab tej lub yeeb koob coj los ham ua ke, thiab muab ua tshwm sim txij thaum Adas lub caij nyoog los txog rau lub sij hawm ziag no. Thiab tsis yog li no xwb, tiam sis tej yam uas yeej tsis tau muab ua tshwm sim los li txij thaum ntuj tsim teb raug los, tiam sis tau muab nraim ntawm cov neeg txawj ntse, yuav muab tej ntawd ua tshwm sim los rau cov me nyuam mos liab thiab cov uas tseem noj mis, nyob hauv lub caij nyoog foom pub txhua tsav txhua yam.

Kev ua hauj lwm rau cov tuag yog “txoj saw txuas” uas txuas cov tiam neeg ua ib qho kev sib koom ua ke zoo tag nrho.

Lus Qhuab Qhia thiab Kev Khi Lus 128:22

Joseph Smith, nyob hauv ib tsab ntawv sau rau Cov Neeg Ntseeg

Cov kwv tij, peb yuav tsis mus lawm yav tom ntej nrog txoj hauj lwm tseem ceeb ua luaj no los? Cia li mus lawm yav tom ntej thiab txhob thaub qab. Ua siab loj, cov kwv tij; thiab cia li mus, mus tsis tu ncua kom txog thaum yeej! Nej lub siab cia li xyiv fab, thiab cia li zoo siab heev. Cia lub ntiaj teb pib hlo hu nkauj. Cia cov tuag hais loo tej nkauj qhuas nyob mus ib txhis rau tus Vaj Ntxwv Emanu-es, tus uas tau tsa, ua ntej muaj lub ntiaj teb, qhov uas ua rau peb muaj peev xwm txhiv lawv dim tawm hauv lawv lub tsev kaw los; vim cov neeg raug kaw yuav dim plaws.

Joseph Smith txoj kev hu zoo siab kom mus tom ntej hauv kev txhiv cov tuag dim, vim cov neeg raug kaw yuav dim plaws.

Lus Qhuab Qhia thiab Kev Khi Lus 128:24

Joseph Smith, nyob hauv ib tsab ntawv sau rau Cov Neeg Ntseeg

Saib seb, twb yuav txog hnub tseem ceeb ntawm tus Tswv lawm; thiab leej twg yuav tiv taus hnub uas nws los, thiab leej twg yuav sawv tau thaum nws tshwm sim los? Vim nws yuav zoo li tus kws nchuav nyiaj lub qhov cub, thiab zoo li tus ntxhua khaub ncaws tej tshuaj. Thiab nws yuav zaum zoo li ib tug kws nchuav nyiaj thiab kws ua kom nyiaj dawb; thiab nws yuav ua kom Levis cov tub dawb huv, thiab muab lawv txhuam zoo li kub thiab nyiaj, xwv kom lawv yuav coj ncaj ncees muab tau kev tiam rau tus Tswv. Yog li ntawd, cia peb uas yog ib lub koom txoos thiab ib pab neeg, thiab yog Tsoom Haiv Neeg Ntseeg hauv Hnub Nyoog Kawg, coj ncaj ncees muab ib txoj kev tiam rau tus Tswv; thiab cia peb muab ib phau ntawv muaj peb cov tuag tej ceev xwm txheej uas zoo txaus tsim nyog txais yuav tag nrho coj mus rau hauv nws lub tuam tsev dawb huv, thaum ua tiav lawm.

Cov Neeg Ntseeg raug caw kom coj ib phau ntawv tsim nyog uas muaj lawv cov tuag tej ceev xwm txheej los muab rau hauv lub tuam tsev.